Left arrow Mur Lura

Modernizzar tas-Swali Ġenerali (Rġiel u Nisa) fl-Isptar Ġenerali t’Għawdex

PR0112
Date Icon 29/01/2007

Bħalissa għaddej xogħol ta’ titjib fis-Sala Ġenerali Nisa fl-Isptar Ġenerali t’Għawdex biex anke din is-sala tiġi modernizzata. Ix-xogħlijiet jiffurmaw parti minn proġett usa li jinkludi wkoll it-titjib tas-Sala Ġenerali Rġiel, li x-xogħol fuqha jkun jista’ jinbeda’ hekk kif jitlesta dak li għaddej bħalissa fis-sala tan-nisa.  

Pazjenti nisa ġew trasferiti temporanjament għal taqsima separata fis-Sala Ġenerali Rġiel sakemm ix-xogħol li għaddej bħalissa fis-Sala Ġenerali Nisa jintemm. Il-proġett kollu, li jinkludi l-investiment ta’ iktar minn Lm100,000, huwa mistenni li jiġi finalizzat sa l-aħħar ta’ April 2007. Ix-xogħlijiet jinkludi l-installazzjoni ta’ units apposta b’diversi servizzi – inkluż gassijiet mediċi – ‘l fuq mil-livell tas-sodda tal-pazjent, l-installazzjoni ta’ sheeting għall-art, aluminium ġdid għall-aperturi kif ukoll xogħlijiet oħra ġenerali fosthom tibjid, tikħil u servizzi elettriċi.  

Diversi taqsimiet fi ħdan l-Isptar Ġenerali t’Għawdex ġew modernizzati mill-1999 ‘l quddiem. Żoni tal-pazjenti ġew imtejba fosthom is-sala tat-tfal, is-sala ta’ l-anzjani rġiel, id-dipartiment ta’ l-emerġenza, id-dipartiment ta’ l-out patients, is-sala tal-maternita’ u Residenza Sant’Anna, filwaqt li twaqqfu taqsimiet ġodda fosthom ir-Renal Unit, l-Isolation Unit u s-sala tal-ġinekoloġija fost l-oħrajn. Ġew imtejba wkoll żoni oħra fosthom teatru ta’ l-operazzjonijiet, il-laboratorju, id-dipartiment tal-Medical Records, il-kwartieri tat-tobba u l-kċina. Bħalissa għaddej ukoll xogħol ta’ modernizzar fis-sala ta’ l-ikel ta’ l-isptar. 

B’riferenza għax-xogħlijiet li għaddejjin bħalissa, l-Onor. Giovanna Debono, Ministru għal Għawdex qalet li l-Ministeru għal Għawdex ta prijorita’ lill-qasam tas-saħħa f’Għawdex u ħadem bis-sħiħ biex tejjeb l-ambjent fiżiku filwaqt li żied is-servizzi mediċi fl-isptar għall-benefiċċju tal-pazjenti f’Għawdex. Il-Ministru Debono tkellmet dwar il-programm ta’ xogħlijiet infrastrutturali li l-Ministeru għal Għawdex fassal fl-1999, bi prijorita’ tingħata lil dawk iż-żoni ta’ l-isptar li l-iktar kienu jenħtieġu attenzjoni u li huma l-iktar iffrekwentati mill-pazjenti. Filwaqt li anke fis-swali ġenerali ta’ l-irġiel u tan-nisa kien sar xi xogħol ta’ tisbiħ ftit snin ilu, il-Ministeru għal Għawdex ħass li kellu jidħol għal proġett iktar intensiv inkluż l-installazzjoni ta’ iktar apparat mediku modern. Il-Ministru Debono qalet li l-pjanijiet tal-Gvern għall-qasam tas-saħħa f’Għawdex mistennija jissoktaw hekk kif il-Ministeru għal Għawdex ser jidħol għal proġett ieħor ambizzjuż, li mistenni jiġi mniedi dalwaqt, li għandu jipprovdi iktar servizzi mediċi ta’ kwalita’ f’Għawdex.

DOI - 29.01.2007

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow