Left arrow Go Back

IKTAR MINN LM9 MILJUN LIRA F’GĦAJNUNA FINANZJARA LIS-SETTUR AGRIKOLU

PR0101
Date Icon 26/01/2007

 “Matul is-sena li għaddiet l-għajnuna finanzjarja lis-settur agrikolu kienet iktar minn LM9 miljun lira”. Dan qalu s-Segretarju Parlamentari responsabbli għall-Biedja u s-Sajd Dr Francis Agius, meta dalgħodu kien qed jinawgura wirja ta’ Agrikoltura u s-Snajja’ organizzata mis-Soċjetà Agrarja. 

Dr Agius spjega kif din l-għajnuna bbenefikaw minnha l-bdiewa u r-raħħala. Kien spjegat ukoll li fil-preżent ma hemm l-ebda dewmien bla bżonn fil-pagamenti dovuti minn naħa tal-paying agency. Dr Agius qal li biex jiġu effetwati l-pagamenti hemm l-obbligi mandatorji li jsiru l-kontrolli, l-awditjar u l-ispezzjonijiet neċessarji. 

Il-Gvern ħadem bla waqfien u sab il-koperazzjoni sħiħa tal-bdiewa li permezz ta’ twaqqif ta' tlett għaqdiet tal-produtturi li llum jistgħu jinnegozjaw aħjar il-prodotti tagħhom biex jiksbu prezzijiet aħjar. Dr Agius appella lill-bdiewa li għadhom ma ssieħbux f’għaqdiet tal-produtturi biex jagħmlu dan għall-benefiċċju tagħhom stess. 

Dan il-fattur kompla għen biex il-bidwi jtejjeb il-pożizzjoni finanzjara tiegħu. Dan kollu wkoll għen biex kibret il-firxa tas-swieq lokali. Wieħed ma jistgħax ma jsemmix il-producers group li twaqqfet u li diġà qed taħdem u tħalli l-frott mixtieq. 

L-indikaturi juru li l-investiment li għamel il-Gvern f'dawn l-aħħar snin qiegħed jagħti l-frott meħtieġ. Dan juri ukoll li s-suq kompettiv qiegħed jistabbilizza ruħu għall-benefiċċju tal-konsumatur. 

Dan l-investiment se jkompli jikber meta għas-snin 2007/2013 il-biedja Maltija se jkollha għad-dispożizzjoni tagħha mitt miljun Ewro li 75% jiġu mogħtija mill-istess UE. 

Dr Agius ħabbar li fi ftit ġimgħat oħra ser jiġi nawgurat il-proġett għall-manutenzjoni tad-dagħajjes f’Marsaxlokk li b’kollox ser jiġi jiswa żewġ miljun Euro li 75% tal-proġett ser jiġi ffinanzjat mill-Unjoni Ewropea u 25% mill Gvern Malti. Dan il-proġett jikkonferma l-impenn tal-Gvern fis-settur lokali tas-sajd biex sajjieda Maltin u Għawdxin ikunu kompettivi ma’ sħabhom oħra Ewropej u biex l-industrija tas-sajd tkun iktar sostenibbli, temm jgħid Dr Agius. 

DOI  26.01.2007

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow