Left arrow Mur Lura

JUM EWROPEW GĦALL-PROTEZZJONI TAD-DATA: 28 TA’ JANNAR 2007

PR0096
Date Icon 25/01/2007

Il-Kummissarju għall-Protezzjoni tad-Data jingħaqad ma’ awtoritajiet oħra għall- Protezzjoni tad-Data fl-Ewropa biex jitfakkar il-Jum Ewropew għall-Protezzjoni tad-Data għal l-ewwel darba il-Ħadd 28 ta’ Jannar 2007. Dan il-jum jaħbat l-anniversarju ta’ meta ġiet iffirmata l-Konvenzjoni 108 tal-Kunsill tal-Ewropa dwar il-protezzjoni tal-individwu b’refererenza għall-ipproċessar awtomatiku tad-data personali. Din il-Konvenzjoni ġiet iffirmata fl-1981. Din ser tkun okkazjoni biex ċittadini Ewropej, isiru iktar jagħrfu d-dritt tagħhom għall-privatezza fir-rigward tal-protezzjoni tad-data personali.  

Permezz ta’ stqarrija maħruġa mill-‘Article 29 Working Party’, il-forum ta’ l-awtoritajiet tal-protezzjoni tad-data fl-Ewropa, għal din l-okkażjoni, fisser illi fi żmien fejn ‘data’ qiegħda tiġi pproċessata kontinwament, din l-inizjattiva toffri okkażjoni eċċellenti biex wieħed jifhem kemm hi neċessarja il-protezzjoni tal-privatezza f’soċjetà demokratika. L-awtoritajiet qablu li fil-futur se jikkoperaw mal-Kunsill tal-Ewropa biex jagħmlu minn dan il-jum Ewropew għall-Protezzjoni tad-Data, jum ta’ suċċess u kif ukoll juru li drittijiet fundamentali bħad-dritt għall-privatezza huma protetti l-aħjar permezz tal-awtoritajiet għall-protezzjoni tad-data. 

Permezz ta’ dan l-eżerċizzju ċ-ċittadini ser jirriflettu dwar id-dritt tagħhom għall-privatezza, liema ‘data’ personali dwarhom tinġabar u tiġi pproċessata, għaliex din it-tip ta’ ‘data’ tinġabar u tiġi pproċessata u x’inhuma id-drittijiet tagħhom fejn jidħol l-ipproċessar. Il-protezzjoni tad-‘data’ hija parti integrali fil-ħajja taċ-ċittadin – ix-xogħol, is-settur tas-saħha, meta juża l-internet, meta jixtri jew jagħmel użu minn xi servizzi, eċċ.  

F’Malta, l-Att Dwar il-Protezzjoni u l-Privatezza tad-‘Data’, Kapitolu 440 tal-liġijiet ta’ Malta, ġie effettivament fis-seħħ fl-Lulju ta’ l-2003. L-uffiċċju tal-Kummissarju għall-protezzjoni tad-‘data’, li ġie mwaqqaf permezz ta’ dan l-Att, għandu l-għan li jipproteġi d-drittijiet tal-individwu għall-privatezza billi jassigura l-ipproċessar korrett tad-‘data’ personali. Barra minn hekk għandu l-għan ukoll li joħloq soċjeta li fiha l-individwi iħossuhom kunfidenti li d-dritt għall-privatezza tad-data personali tagħhom huwa salvagwardat. 

Il-Kummissarju għall-Protezzjoni tad-Data jiltaqa b’mod regolari mar-rappreżentanti tal-varji setturi operattivi bl-għan li jiddiskuti u jasal fi ftehim dwar prinċipji li joħorġu mil-liġi skond kif japplikaw għas-setturi rilevanti biex imbgħad jiġu miktuba bħala linji gwida jew kodiċi ta’ prattika. Fost is-setturi li dwarhom inkitbu l-linji gwida wieħed jistà jsemmi dawk ta’ l-edukazzjoni, assigurazzjoni u kummerċ bankarju. Linji gwida oħra dwar is-setturi tal-ġurnalizmu u s-sigurtà huma fil-proċess li jiġu miktuba. 

L-uffiċċju tal-Kummissarju għall-Protezzjoni tad-‘Data’ joffri l-assistenza tiegħu, fl-ewwel lok, liċ-ċittadini li jkunu jixtiequ jiċċaraw ċerti materji u li jaħsbu li d-drittijiet tagħhom mhumiex rispettati, u fit-tieni lok lill-kontrolluri tad-‘data’, biex jgħinhom jaslu għal livell għoli ta’ protezzjoni ta’ ‘data’, liema aspetti huma it-tnejn importanti ħafna f’soċjeta demokratika. 

Ghal iktar informazzjoni dwar dan l-uffiċċju tista żżur l-‘website’ www.dataprotecion.gov.mt jew iċċempel fuq in-numru 23287100.

DOI – 25.01.2007

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow