Left arrow Go Back

Jaslu fi tmiemhom iktar korsijiet u skemi ko-finanzjati mill-Unjoni Ewropea f’Għawdex

PR0072
Date Icon 22/01/2007

Ġew fi tmiemhom iktar korsijiet u skemi li kienu offruti speċifikament f’Għawdex permezz ta’ proġett ieħor tal-Ministeru għal Għawdex b’ko- finanzjament ta’ l-Unjoni Ewropea u li minnu bbenefikaw b’mod dirett kważi 170 persuna minn Għawdex.  

Il-korsijiet kienu f’suġġetti marbuta mal-qasam tat-turiżmu filwaqt li l-iskemi ġew offruta lil diversi kategoriji ta’ ħaddiema u negozji żgħar Għawdxin. Dan intqal mill-Onor. Giovanna Debono, Ministru għal Għawdex waqt li ppreżentat ċertifikati ta’ attendenza u ta’ parteċipazzjoni lil dawk li ħadu sehem f’din l-inizjattiva meħuda mill-Ministeru għal Għawdex permezz tal-Programm ta’ Fondi Strutturali għal Malta 2004-2006, b’mod partikolari permezz tal-Fond Soċjali Ewropew. Il-proġett, li tmexxa mill-Korporazzjoni għax-Xogħol u Taħriġ (Għawdex), kien tnieda fil-bidu ta’ l-2005.  

Il-Ministru Debono qalet li dawn il-mija u sebgħin persuna li segwew korsijiet marbuta mal-qasam turistiku jew ipparteċipaw fi skemi marbuta man-negozju, irnexxielhom jibbenefikaw minn dawn l-opportunitajiet li ġew offruti f’Għawdex wara li l-Ministeru għal Għawdex indirizza madwar €660,000 favur il-qasam tax-xogħol u r-riżorsi umani ta’ Għawdex.  

Il-Ministru Debono qalet ukoll li minbarra dawn il-170 persuna, kien hemm 150 persuna oħra li segwew korsijiet offruti miċ-Ċentru Għawdxi ta’ l-Arti u l-Artiġjanat Wistin Camilleri u miċ-Ċentru Għawdxi ta’ l-Universita’ fl-istess żmien, filwaqt li bħalissa hemm madwar 300 persuna oħra li qed isegwu xi kors ko-finanzjat mill-Unjoni Ewropea f’Għawdex. Dawn l-opportunitajiet edukattivi qed jiġu offruti f’Għawdex għaliex il-Ministeru għal Għawdex identifika għadd ta’ suġġetti li dwarhom ingħata taħriġ b’xejn lill-Għawdxin ta’ iktar minn 16-il sena. 

Il-Ministru Debono qalet li l-Ministeru għal Għawdex ried jinvesti bis-sħiħ fit-tisħiħ tar-riżorsi umani f’Għawdex billi jipprovdi kemm jista’ jkun opportunitajiet ta’ taħriġ lill-adulti f’Għawdex stess. Minbarra l-korsijiet li ġew offruti, il-Ministru Debono qalet li t-tlett skemi mfassla speċifikament għal Għawdex ukoll kisbu suċċess wara li kienu diversi l-Għawdxin li applikaw għalihom. 

L-iktar skema li qanqlet interess kienet dik immirata lejn il-gradwati Għawdxin mingħajr impjieg u lejn negozji żgħar u medji Għawdxin. Iż-żewġ skemi l-oħra – waħda biex jitjieb l-użu ta’ l-informatika fin-negozji eżistenti, u skema ta’ għajnuna għal min hu mingħajr impjieg biex joħloq negozju ġdid – ukoll kienu suċċess. 

Il-Ministru Debono rreferiet għal dawn l-inizjattivi bħala ħolqa f’katina ta’ proġetti u inizjattivi mmirati li jtejbu l-kwalitajiet ta’ Għawdex u l-Għawdxin fejn tidħol il-kompetittivita’. Il-Ministru Debono semmiet ukoll proġetti oħra li għaddejjin f’Għawdex bħalissa li wkoll għandhom l-għan li jtejbu l-qasam ta’ l-impjiegi, fosthom il-proġett ta’ bini mill-ġdid ta’ faċilita’ għal studji turistiċi u l-proġett ta’ l-Incubation Centre għall-artiġjana Għawdxin. 

Il-Ministru Debono rreferiet ukoll għall-ħidma tal-Gvern matul din is-sena li mistennija tkun waħda fejn jitwettqu diversi proġetti għall-ġid ta’ Għawdex. B’mod partikolari, il-Ministru Debono rreferiet għall-allokazzjoni finanzjarja ta’ minimu ta’ 10% tal-fondi li l-Unjoni Ewropea allokat għal Malta għall-2007-2013, għall-benefiċċju speċifiku ta’ Għawdex.

DOI - 22.01.2007

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow