Left arrow Mur Lura

STQARRIJA DWAR IS-SEJĦA GĦALL-OFFERTI GĦAL INTEGRATED HEALTH INFORMATION SYSTEM (IHIS)

PR0036
Date Icon 16/01/2007

F’Mejju 2005, id-Dipartiment tal-Kuntratti ħareġ sejħa għall-offerti għal Integrated Health Information System (IHIS) għall-Ministeru tas-Saħħa, l-Anzjani u l-Kura fil-Kommunità.  

Il-Ministeru ta’ l-Investiment, Industrija u Teknoloġija ta’ l-Informazzjoni ngħata r-responsabbiltà jmexxi ‘l-kumitat ta’ evalwazzjoni teknika ta’ din is-sejħa. Il-proċess ta’ evalwazzjoni jinsab fl-aħħar fażi tiegħu. Dan il-kumitat kien kompost ukoll minn uffiċjali tal-kumpanija MITTS Ltd kif ukoll minn uffiċjali tal-Ministeru tas-Saħħa, l-Anzjani u l-Kura fil-Kommunità u l-Isptar Mater Dei. 

Ix-xahar li għadda, iċ-Chairman tal-kumitat esprima s-suspett tiegħu mal-Ministru Austin Gatt li informazzjoni ta’ natura kunfidenzjali setgħet ġiet kommunikata lill-offerenti fil-proċess tas-sejħa għall-offerti mingħajr awtorizzazzjoni.  

Il-Ministru Gatt informa b’dan lill-Prim Ministru li qabel li l-Ministru jitlob lill-Kummissarju tal-Pulizija jinvestiga dan is-suspett. 

Il-Ministeru jinsab informat li impjegat tal-MITTS Ltd li kien qed jassisti bħala konsulent tekniku tal-proċess ta’ evalwazzjoni, kien qed jgħin lill-Pulizija fl-istħarriġ tagħha. 

Biex ma jiġux preġudikati l-investigazzjonijiet tal-Pulizija, il-Ministeru ser jitlob lill-Bord t’Evalwazzjoni biex jissospendi l-attivitajiet tiegħu sakemm jingħata avviż ieħor.

DOI - 16.01.2007

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow