Left arrow Go Back

Iktar għajnuna lill-Għaqdiet Mhux Governattivi Għawdxin

PR0032
Date Icon 15/01/2007

Madwar Lm14,500 tqassmu lil iktar minn 100 għaqda f’attivita’ dedikata lill-għaqdiet mhux governattivi Għawdxin, li saret nhar il-Ġimgħa filgħaxija fil-Ministeru għal Għawdex. 

Waqt li kienet qed tindirizza lill-għaqdiet preżenti, l-Onor. Giovanna Debono, Ministru għal Għawdex qalet li l-Gvern jifhem u japprezza s-sehem importanti ta’ l-għaqdiet mhux governattivi fl-iżvilupp soċjali ta’ Għawdex u matul dawn l-aħħar snin, ipprovda diversi servizzi direttament f’Għawdex sabiex jassisti lil dawn l-għaqdiet f’ħidmiethom.  

Il-Ministru Debono rreferiet għat-twaqqif ta’ ċentru mill-Ministeru għall-użu b’xejn mill-għaqdiet, it-twaqqif ta’ Assoċjazzjoni li tiġbor fiha diversi għaqdiet, kif ukoll is-sehem attiv ta’ l-istess assoċjazzjoni fil-Kumitat Reġjonali għall-Proġetti f’Għawdex li jsegwi mill-qrib l-implimentazzjoni tal-proġetti ko-finanzjati mill-Unjoni Ewropea f’Għawdex. 

Il-Ministru Debono tkellmet ukoll dwar il-Liġi tal-Volontarjat li qed tiġi diskussa bħalissa fil-Parlament li għandha l-għan li ssaħħaħ l-istess għaqdiet mhux governattivi. L-istess liġi tipprovdi għal rikonoxximent lill-għaqdiet u hekk ikun iktar faċli għalihom li japplikaw għal proġetti b’finanzjament ta’ l-Unjoni Ewropea u proġetti internazzjonali oħra.  

Il-Ministru Debono awgurat sena oħra ta’ ħidma lil dawn l-għaqdiet filwaqt li rringrazzjat lill-membri ta’ l-Assoċjazzjoni ta’ l-Għaqdiet Mhux Governattivi, li fl-istess okkażjoni żammet it-tielet Laqgħa Ġenerali Annwali tagħha. L-Assoċjazzjoni tiġbor fi ħdanha madwar mitejn membru u ġiet imwaqqfa mill-Ministeru għal Għawdex f’Awissu 2003. L-għaqdiet membri huma maqsuma fi tlett kategoriji: dawk li jaħdmu fil-qasam soċjali, fil-qasam kulturali u fil-filantropija.

DOI - 15.01.2006

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow