Left arrow Go Back

RAPPORT ANNWALI DWAR IL-VERIFIKA TAL-FONDI PUBBLIĊI 2005

PR0015
Date Icon 09/01/2007

Ir-Rapport Annwali tal-Verifika, li ġie ppreżentat lill-Onor. Speaker tal-Kamra tar-Rappreżentanti f’Diċembru 2006, jiġbor fih ir-riżultati kollha li ħarġu minn verifika li saret fit-tieni nofs tas-sena 2006, għas-sena finanzjarja li ntemmet fil-31 ta’ Diċembru 2005.  Dan ir-Rapport jirreferi wkoll għal verifika oħra li diġà ġiet inkluża fir-Rapport ta’ Nofs is-Sena li tpoġġa fuq il-Mejda tal-Kamra fis-27 ta’ Lulju 2006.  

Ir-Rapport Annwali wera tħassib dwar il-problemi mniżżla hawn isfel: 

L-arretrati ta’ dħul kif irrapurtati lill-Uffiċċju Nazzjonali tal-Verifika ammontaw għal 412.4 miljun lira li minnhom ġie rrapurtat li l-ammont ta’ 80.6 miljun lira biss seta’ jinġabar sal-31 ta’ Diċembru 2005.

Minn verifika li saret fl-Uffiċċju tar-Reġistru Pubbliku li tirrigwardja riċerki nstab li l-kumpanija li kienet inkarigata biex tgħaddi back-up regolari tad-data-base ta’ riċerki lid-Dipartiment ma kinitx qed tagħmel dan. Dan id-Dipartiment ma rrappurtax arretrati ta’ dħul minkejja li kien hemm ammont konsiderevoli ta’ multi/miżati f’riċerki x’jinġabru. 

Wara li l-awdituri tal-Gvern Lokali ssottomettew ir-rapporti u l-ittri bil-kummenti tagħhom lill-Kunsilli Lokali kollha, saret reviżjoni fejn instabu numru ta’ każijiet li nisslu wkoll tħassib.  Aktar minn hekk, numru konsiderevoli ta’ Kunsilli Lokali rreġistraw nuqqasijiet varji fejn tidħol il-kontabilità tas-Sistema Lokali ta’ Infurzar (LES).  Ġie nnotat ukoll li d-dikjarazzjonijiet finanzjarji tal-Kumitati Konġunti ma ġewx mgħoddija fil-ħin biex jikkoinċidu mal-verifika tal-Kunsilli Lokali.  

F’Kumitat Konġunt partikulari għas-sena finanzjarja li ntemmet fil-31 ta’ Marzu 2005 l-ammont ta’ pagamenti tat-Tribunal għal perjodu li fih intużat is-sistema ta’ pooling, u li kien għadu pendenti, kien jammonta għal Lm504,335, żieda ta’ 40% fuq is-sena ta’ qabel u l-provvediment għal dejn mitluf kien ta’ Lm136,515 li jfisser   żieda ta’ 60% fuq is-sena preċedenti. 

Fi Frar 2006 il-pagamenti pendenti tat-Tribunal kienu jammontaw għal Lm596,032 li minnhom: 

Lm111,315 kienu jirrigwardjaw 65 vettura. 19-il vettura minn dawn akkumulaw pagamenti ta’ ’l fuq minn Lm2,000-il waħda u;  

Lm155,880 kienu jirrigwardjaw 69 sid.  Tnjen u għoxrin sid kienu akkumulaw pagamenti ta’ aktar minn Lm2000-il wieħed b’persuna partikulari taqbeż saħansitra l-ammont ta’ Lm26,000. 

Għalkemm l-Ordinanza li tirregola t-tiġdid tal-liċenzji tat-traffiku tgħid li ma’ għandhomx jiġu mġedda liċenzji ta’ vetturi meta jkun għad hemm hemm penali jew multi mhux imħallsin 1,736 vettura li kellhom ammont pendenti mat-Tribunal f’Marzu 2006 kellhom il-liċenzja tagħhom imġedda. 

Kapijiet ta’ ċerti stabbilimenti edukattivi f’Għawdex mhumiex iżommu inventarji b’konformità mar-regolamenti.  

Is-Sezzjoni tas-Salarji ta’ l-Uffiċċju ta’ l-Edukazzjoni ta’ Għawdex (GEO) taħdem il-lista tal-pagi ta’ l-għalliema u ta’ l-istaff l-ieħor ta’ l-iskejjel Għawdxin kif ukoll ta’ l-impjegati tagħha.  Madankollu l-kontroll huwa wieħed dgħajjef għax ħafna mill-pagamenti ma jistgħux jiġu vverifikati mis-Sezzjoni la darba dokumenti b’informazzjoni dettaljata jkunu fl-Uffiċċju tar-reġistru tad-Diviżjoni ta’ l-Edukazzjoni u għand it-Teżor f’Malta.  Aktar minn hekk struzzjonijiet għal tnaqqis fis-salarji ħafna drabi ma jaslux fil-ħin u dan qed iwassal għal pagamenti żejda.  Il-GEO qed isib diffikultà jirkupra dawn il-pagament lura.  

Is-sistema kompjuterizzata tad-Dipartiment tas-Sigurtà Soċjali, is-SABS, m’hemmx inkorporat fiha kont bankarju nominali li jista jiġi rikonċiljat mar-rendikont bankarju.  Aktar minn hekk id-Dipartiment ma jżommx lista ta’ ċekkijiet li ma ġewx imsarfa għal kull perjodu li jiġi rikonċiljat.  Minn eżerċizzju li sar biex jiġi vverifikat l-ammont ta’ 1.34 miljun lira f’ċekkijiet mhux imsarfa sa’ l-aħħar tas-sena 2005 irriżulta li aktar minn 20% ta’ pagamenti fil-lista kienu harġu qabel is-sena 2004.  

Analiżi dwar l-etajiet kollha ta’ persuni li qed jibbenefikaw minn pensjonijiet apposta uriet li 3% huma taħt l-40 sena u 16% taħt il-50 sena li jfissru 322 u 1,526 benefiċjarji rispettivament.  Eżamijiet mediċi ma jerġux isiru f’okkazjonijiet meta persuna tkun ingħatat l-benefiċċju għal żmien indefinit.  Manwal aġġornat tal-proċeduri ma kienx disponibbli u għalhekk id-Dipartiment beda jaddotta għadd ta’ proċeduri informali biex tinħadem il-pensjoni ta’ l-invalidità.  

F’rapport speċjali dwar it-temi ewlenin u punti importanti li joħorġu mill-implimentazzjoni tal-gvern elettroniku (e-government), l-Uffiċċju Nazzjonali tal-Verifika (NAO) jitkellem dwar il-ħtieġa li l-maniġment fil-ministeri u entitajiet pubbliċi għandu jagħti aktar attenzjoni:  

·     lit-tmexxija u direzzjoni fejn jidħlu inizjattivi u proġetti tal-gvern elettroniku;

·     l-iżvilupp ta’ strateġiji li jinkoragixxu lill-pubbliku jagħmel użu aktar mis-servizzi elettroniċi; 

·     għall-użu tat-teknoloġija biex jiġu mibdula u ttrasformati l-metodi u strutturi tradizzjonali tad-dipartimenti; u 

·     lit-twaqqif ta’ sistemi ta’ informazzjoni u metodi oħra li permezz tagħhom jiġu mmonitorjati perjodikament u fl-istess ħin imtejba t-tip ta’ servizzi offruti online.  

L-Uffiċċju għamel servej preliminarju fl-Awtorità għas-Saħħa u Sigurtà fuq il-Post tax-Xogħol (OHSA) immirat l-aktar fuq ix-xogħol li din twettaq fl-industrija tal-kostruzzjoni.  Minkejja x-xogħol li għamlet biex ikun hemm aktar għarfien tar-regolamenti fis-setturi ekonomiċi kollha, inkluż f’din l-industrija, in-nuqqas ta’ riżorzsi disponibbli rrendew lill-Awtorità f’istituzzjoni reattiva aktar milli waħda proattiva fl-attivitajiet tagħha.

DOI  09.01.2007

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow