Left arrow Mur Lura

għotja TA’ 2,000 biljett lin-Nurseries tal-Football għal-logħba B’Kara FC vs. AC Milan

PR0008
Date Icon 04/01/2007

F’konferenza tal-aħbarijiet li saret illum il-Ħamis 4 ta’ Jannar, f’Dar il-Mediterran għall-Konferenzi, il-Belt Valletta, u li ghaliha kienu preżenti wkoll is-Sur Victor Zammit, Chairman ta’ B’Kara F.C. plc, uffiċjali tal-Youth FA, kif ukoll rappreżentanti tal-Football Nurseries, l-Onor. Tonio Fenech ħabbar li l-Ministeru tal-Finanzi, permezz tan-National Lotteries Good Causes Fund, ħadet l-inizjattiva li tiffinanzja 2,000 biljett għal-logħba bejn B’Kara F.C. u AC Milan, sabiex dawn jippermettu lit-tfal tan-nurseries ikollhom l-opportunita’ jaraw logħba prestiġġjuża bħal din. Is-Sur Fenech fakkar li dan il-Fond għandu l-iskop li jintuża fost l-oħrajn għal attivitajiet ta’ sports, u din l-okkażjoni għandha tgħin biex tkompli trawwem lil dawn it-tfal. 

Waqt il-konferenza ta’ l-aħbarijiet tqassmu l-biljetti lil kull nursery hekk kif kien tħabbar ftit tal-ġranet ilu. Il-biljetti, wara konsultazzjoni li saret bejn il-Ministeru tal-Finanzi u l-Youth FA, tqassmu b’mod sistematiku bbażat fuq in-numru ta’ tfal li kull nursery għandha fuq il-kotba tal-Youth FA. Fil-fatt ittieħed kampjun fuq il-kategoriji tat-tfal taħt it-8 snin, l-10 snin, u t-12-il sena. 

L-Onor. Tonio Fenech għamel appell sabiex it-tfal jiġu mħeġġa jattendu għal-logħba bit-track suit tan-nursery tagħhom u li jagħmlu l-briju li hemm bżonn waqt il-logħba. Huwa qal ukoll li għandu jkun hemm adult ma’ kull ghaxart itfal, filwaqt li fakkar li t-tfal ser ikunu allokati fl-area ta’ wara l-lasta taħt l-iscoreboard. 

Tonio Fenech għalaq billi rringrazzja lil B’Kara FC tal-koperazzjoni, lil Youth FA ta’ l-organizzazzjoni, u lin-nurseries ta’ l-interess li ħadu f’din l-inizjattiva. 

Waqt l-istess konferenza ta’l-aħbarijiet saru interventi wkoll mis-Sur Victor Zammit, Chairman ta’ B’Kara F.C. plc u mis-Sur Joe Micallef, Segretarju tal-Youth FA. Wara saret preżentazzjoni tal-biljetti lil kull rappreżentant tan-nurseries.

DOI  04.01.2007

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow