L-AMBAXXATUR ĠDID TA’ MALTA GĦALL-ITALJA JIPPREŻENTA L-KREDENZJALI LILL-PRESIDENT TALJAN
L-Ambaxxatur ġdid ta’ Malta għall-Italja, s-Sur Walter Balzan ippreżenta l-kredenzjali tiegħu lill-President ta’ l-Italja, Giorgio Napolitano nhar il-15 ta’ Dicembru, 2006, waqt ċerimonja li saret fil-Palazz Presidenzjali tal-Quirinale f’Ruma.
Il-President Napolitano kien akkumpanjat minn diversi uffiċċjali għolja tal-Presidenza kif ukoll mill-Onor. Patrizia Sentinelli, Sotto Segretarju fil-Ministeru ta’ l-Affarijiet Barranin. L-Ambaxxatur Balzan kien akkumpanjat mid-diplomatiċi Maltin fl-Ambaxxata ta’ Malta f’Ruma.
F’laqgħa privata bejn il-President Napolitano u l-Ambaxxatur Balzan, immedjatament wara l-prezentazzjoni tal-kredenzjali, ġew sottolineati r-relazzjonijiet eċċellenti li jezistu bejn iż-żewġ pajjizi fid-diversi oqsma u anke fil-kuntest ta’l-Unjoni Ewropea.
Filwaqt li rreċiproka s-sentimenti sbieħ espressi mill-President Taljan, l-Ambaxxatur Malti sostna l-impenn tieghu li jaħdem halli l-koperazzjoni u r-relazzjonijiet speċjali li dejjem kien hemm bejn l-Italja u Malta jkomplu jissaħħu.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958