Left arrow Mur Lura

MILQUGĦA TALBIET TA’ MALTA DWAR KWOTI PROVVIŻORJI GĦAS-SAJD TAT-TONN

PR1756
Date Icon 21/12/2006

It-talbiet tal-Gvern Malti għal emendi dwar kwoti proviżorji għas-sajd tat-tonn ġew milqugħa u għalhekk ġew inklużi fid-dokument finali tal-Kummissjoni Ewropea.  Id-dokument finali, inklużi l-emendi proposti mill-Gvern Malti ġew maqbula unanimament fi tmiem il-laqgħa tal-Kunsill tal-Ministri tas-Sajd tard matul il-lejl li għadda. 

Matul il-laqgħa li kienet qed tiltaqa’ f’dawn il-jiem fi Brussels, Malta kompliet bil-ħidma tagħha biex ikunu mħarsa l-interessi ta’ pajjiżna fil-qasam tas-sajd tat-tonn.  Matul din il-laqgħa Malta kienet rappreżentata mill-Ministru għall-Affarijiet Rurali u l-Ambjent, l-Onor. George Pullicino 

Il-pożizzjoni tal-Gvern Malti kienet li Malta tkun lesta tikkunsidra kwota parzjali tat-tonn ġaladarba tkun rikonoxxuta r-referenza storika ta’ Malta u din tkun inkluża fil-qabda totali Ewropea.  Malta nsistiet ukoll li l-kwoti parzjali m’għandhomx jintużaw bħala referenza għall-allokazzjoni finali bejn l-Istati Membri.   

Il-Ministru Pullicino esprima s-sodisfazzjon tiegħu għal dan l-iżvilupp u tenna l-impenn tal-Gvern li jibqa’ jirsisti biex jissalvagwardja l-interessi tas-sajjieda Maltin u tas-sajd għat-tonn, li hi attivita’ ewlenija tas-sajjieda Maltin.  Il-Ministru Pullicino wera wkoll l-apprezzament tal-Gvern lill-Kmmissjoni Ewropea, lill-Kummissarju Ewropew Joe Borg u lill-pajjiżi membri l-oħra ta’ l-Unjoni Ewropea talli rrikonoxxew l-importanza ta’ l-emendi mressqa minn Malta u għalhekk approvawhom. 

Irid jingħad li wara li fil-laqgħa li saret f'Dubrovnik, il-Kroazja, il-kwoti tal-qabda tat-tonn tal-pajjiżi membri tal-International Commission for the Conservation of Atlantic Tunas (ICCAT) ma ġewx iffissati, il-Kummissjoni Ewropea kellha tiddeċiedi fuq kwoti provviżorji li jridu jerġgħu jiġu diskussi wara laqgħa oħra ta' l-ICCAT li se ssir lejn l-aħħar ta’ Jannar li ġej f’Tokyo, il-Ġappun.   

Din il-laqgħa, li matulha l-pajjiżi Ewropej ser ikunu rappreżentati mill-Kummissjoni Ewropea, se sservi sabiex il-qabda totali tat-tonn ta' 29,500 tunellata tiġi mqassma lill-pajjiżi membri ta' l-ICCAT li jistadu għat-tonn ta' l-Atlantiku ta’ Lvant u tal-Mediterran.  Dawn jitqiesu bħala stock wieħed u huma nklużi fl-istess programm ta' maniġġ ta' din l-ispeċi. 

Wara din il-laqgha s-seba' stati Ewropej li huma involuti fis-sajd tat-tonn, jiġifieri Franza, Spanja, l-Italja, il-Greċja, il-Portugall, Ċipru u Malta jridu jaqsmu l-kwota Ewropea bejniethom. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow