Left arrow Mur Lura

XOGĦLIJIET TA’ TOROQ F’GĦAWDEX

PR1638
Date Icon 28/11/2006

B’riferenza għall-istqarrija ta’ l-Onor. Alfred Sant waqt li kien qed jindirizza konferenza politika fil-Gżira l-Ħadd 26 ta’ Novembru, il-Ministeru għal Għawdex jixtieq għal darb’oħra jiċċara l-punt dwar l-għoti ta’ kuntratti ta’ xogħlijiet ta’ toroq f’Għawdex.  

Il-Ministeru għal Għawdex jirrepeti l-fatt li huwa jimxi mar-regolamenti finanzjarji tal-Gvern u għaldaqstant fejn jidħlu xogħlijiet ta’ toroq joħroġ is-sejħiet għall-offerti meħtieġa li għalihom jistgħu jittenderjaw kuntratturi u kumpaniji differenti.   

Il-Kap ta’ l-Oppożizzjoni jirreferi għal kumpanija partikolari li ħadet numru konsiderevoli ta’ xogħlijiet f’Għawdex. Il-Ministeru għal Għawdex jagħmel riferenza għar-Risposta Parlamentari tal-Mistoqsija Numru 22082 li l-Ministru għal Għawdex wieġbet matul il-ġimgħa li għaddiet u li magħha poġġiet informazzjoni dettaljata fuq il-Mejda tal-Kamra. Ir-Risposta Parlamentari għall-Mistoqsija magħmula mill-Oppożizzjoni turi bil-fatti kif l-għoti ta’ kull tender ingħata dejjem bl-aktar mod ġust lil dik il-kumpanija li kienet tikkwalifika skond ir-regolamenti finanzjarji. 

Il-Ministeru għal Għawdex ifakkar li din l-istess kumpanija ma ħaditx il-maġġoranza tax-xogħlijiet illum biss – anke jekk l-għoti tal-kuntratti huma ġustifikati – minkejja li l-Oppożizzjoni tipprova titfa’ t-tajn u takkuża lill-Ministeru għal Għawdex jew lill-Ministru b’mod personali b’xi konnessjoni immaġinabbli ma’ din il-kumpanija. Huwa fatt li anke bejn l-1997 u l-1998 meta l-Gvern kien immexxi mill-Partit Laburista, l-istess kumpanija ħadet ukoll il-maġġoranza tax-xogħlijiet tat-toroq f’Għawdex.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow