DIKJARAZZJONI MIS-SEGRETARJAT PARLAMENTARI FIL-MINISTERU GHALL-GUSTIZZJA U L-INTERN
Dr Carmelo Mifsud Bonnici, Segretarju Parlamentari fil-Ministeru ghall-Gustizzja u l-Intern, jichad kategorikament l-akkuzi ingurjuzi li saru dal-ghodu fil-konfront tieghu mill-Kap tal-Oppozizzjoni.
Hija verament hasra li Kap ta’ partit jigdeb bl-aktar mod sfaccat ghal-avvanzi politici tieghu u jimplika b’mod libelluz xi forma ta’ rabta bejn s-Segretarju Parlamentari u l-persuna Mario Camilleri maghrufa bhala l-Imniehru. Huwa ukoll pjetuz li r-responsabbilita politika qed tigi mgebbda f’tali dimensjonijiet li l-politiku jrid jara personalment min hija l-fattiga li tnaddaf l-ufficini.
Il-kuntratt li qed jirreferi ghalih dal-ghodu Dr Alfred Sant, kien gie mwaqqaf flimkien ma’ dak tat-tindif tal-Qorti immedjatament hekk kif sar maghruf li din l-kumpanija, li hija registrata skond il-ligi, ghandha bhala azzjonisti lil familjari ta Camilleri. Allura dak li qal dal-ghodu Dr Sant li l-kuntratt ta’ tindif fis-segretarjat tieghu kien ghaddej sal-bidu ta’ dan ix-xahar mhux minnu.
Dr Mifsud Bonnici qed jerga’ jiddikjara li huwa qatt ma tkellem, qatt ma ltaqa’, qatt ma ddefenda u qatt ma kellu x’jaqsam personalment u b’xi mod ma’ Mario Camilleri maghruf bhala l-Imniehru.
Ghalhekk illejla stess, is-Segretarju Parlamentari fetah kawza ta libell bl-urgenza kontra Dr Alfred Sant.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958