Left arrow Mur Lura

L-AĦĦAR XOGĦLIJIET FIL-PROĠETT TA’ L-GĦARGĦAR QORMI – MARSA - INVESTIMENT TAL-GVERN TA’ ‘L FUQ MINN LM1.5 MILJUN FUQ PERJODU TA’ SENTEJN

PR1572
Date Icon 17/11/2006

L-ambjent infrastrutturali ta’ pajjiżna huwa bbażat fuq diversi fatturi, fosthom strutturi li l-ilma tax-xita li jgħaddi mit-toroq u mill-korsi ta’ l-ilma (watercourses) ikun kkontrollat bil-għan li ma jagħmilx ħsara lill-ambjent inġenerali.  Il-Gvern jemmen bis-sħiħ f’dan l-aspett u l-politika adottata fl-aħħar snin turi biċ-ċar u bil-fatti li l-problema ta’ l-għargħar qed tiġi ndirizzata bis-serjeta. 

Il-Ministru Ninu Zammit qal dan meta kien qed iżur l-aħħar xogħlijiet fuq il-proġett tal-prevenzjoni mill-għargħar fl-inħawi ta’ Ħal Qormi u l-Marsa.  Il-watercourse li se jkun komplut fil-ġimgħat li ġejjin jilqa fih ammont konsiderevoli ta’ ilma tax-xita, li tinġabar fil-catchmentarea ta’ Wied il-Kbir, areamifruxa mill-Buskett sal-Menqa tal-Marsa.  B’dawn ix-xogħlijiet li saru, issa f’din iż-żona se jkun inbena kanal ta’ ‘l fuq minn kilometru u nofs b’wisa konsistenti ta’ 12-il metru u li kapaċi jilqa l-ilma kollu li jinzel mir-rotta msemmija. 

Il-Ministru fakkar li wara x-xogħlijiet li saru fl-ewwel parti tal-kanal minn Ħal Qormi sal-Marsa f’tul ta’ madwar 1,200 metru, kien imiss li l-parti minn Triq Aldo Moro sa’ Jetties Wharf ukoll tkun imwessa’ bl-istess qies.  Għaldaqstant wara li ġew studjati l-possibilitajiet kollha ta’ kif setgħa jsir it-twessiegħ, ġie deċiż li l-kanal jiġi mwessa’ n-naħa ta’ l-ex skola li kienet tinsab fiż-żona.  Minħabba struttura skedata ta’ valur storiku li tinsab fit-tarf tal-kanal, fl-aħħar parti tal-kanal kellha tinbena fergħa ġdida ta’ watercourse li ddur ma l-imsemmija struttura. 

Meta kien qed jispjega l-aħħar parti tal-kanal, il-Ministru Ninu Zammit qal li l-aħħar xogħlijiet issa huma kkonċentrati fuq bini ta’ bridge fit-tarf tal-kanal il-ġdid.  Din il-fażi tikkonsisti fi 23 pilastru tal-konkrit ta’ metru diametru bħala pedamenti għal pont li uħud minnhom għandhom fond ta’ madwar 18-il metru.  Wara li saru dawn il-pilastri, ġew mibnija l-ġnub tal-pont b’ħitan magħmulin minn konkrit rinfurzat.  Ladarba saru l-pedamenti kollha tal-pont, ġiet imħammla ż-żona kolla u sussegwentament beda jitpoġġa l-qiegħ tal-kanal ta’ taħt il-pont li hu ffurmat minn panelli precasttal-konkrit.  Fil-preżent qed jitpoġġew it-travi fuq il-pilastri. B’kollox se jkun hemm madwar 70 travu prestressed sabiex eventwalment jingħata l-wiċċ tal-pont bil-konkos li se jservi wkoll bħala sodda għat-tarmac tat-triq.  Ix-xogħlijiet f’din il-fażi kienu kemxejn kumplessi peress li parti sostanzjali tax-xogħliet kellu jsir taħt il-livell ta’ l-ilma baħar.  Il-Perit Ninu Zammit faħħar il-kontribut tal-professjonisti, tat-tekniċi u l-ħaddiema li ħadmu fuq dan il-proġett.  L-investiment totali fuq il-proġett kollu minn Ħal Qormi sal-Menqa jaqbeż il-miljun u nofs liri maltin, inkluż il-pagi tal-ħaddiema.   

Dan l-investiment jinkludi madwar 7,871 metru kubu ta’ ġebel tal-franka ta’ qies speċjali bit-talut, 14,470 metru kubu ġebel ta’ qies normali, 10,303 metru kubu żrar ta’ qisien varji, u ’l fuq minn 10,000 metru kubu konkrit li ntużaw fil-kanal bejn Ħal Qormi u l-Marsa.  Fil-kanal bejn Triq Aldo Moro u l-Menqa ntużaw 130 element tal-precast li jifforma l-ġnub tal-kanal, 650 element li jifforma l-qiegħ, 2,500 metru kubu ta’ konkrit, 2,170 metru kubu ta’ żrar, u 1,448 metru kubu jew 1,800 ġebla jew vaża ta’ qies speċjali. 

Fl-aħħarnett il-Ministru qal li l-permess fuq il-kanal ta’ Burmarrad wasal fl-istadju finali u hu pprogrammat li matul is-sena d-dieħla jibda u jitlesta x-xogħol fuq il-bini ta’ korsa ta’ l-ilma li ser tgħaqqad il-Wied ta’ Għajn Rihana mas-sokkorsu fis-Salini. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow