Left arrow Go Back

MINISTERU TAL-ĠUSTIZZJA U L-INTERN - PERMESSI TA’ RESIDENZA

PR1515
Date Icon 08/11/2006

Niġbdu l-attenzjoni tal-pubbliku in ġenerali, speċjalment ta’ dawk il-barranin li joqogħdu Malta, għall-fatt illi l-ħruġ u t-tiġdid tal-Permessi ta’ Residenza lil Ċittadini ta’ Pajjiżi Terzi (Third Country Nationals), jiġifieri ċittadini ta’ pajjiżi li m’humiex Membri ta’ l-Unjoni Ewropea, in-Norveġja, l-Iżlanda, Liechtenstein u l-Isvizzera, funzjoni li bħalissa qed titwettaq mill-awtoritajiet ta’ l-Immigrazzjoni tal-Pulizija, mill-1 ta’ Diċembru 2006, se jibdew isiru mid-Dipartiment taċ-Ċittadinanza u ta’ l-Expatriates, 3, Pjazza Kastilja, Valletta, CMR 02. 

B’effett minn din id-data, applikazzjonijiet għal ħruġ u tiġdid ta’ permessi ta’ residenza għandhom isiru fuq l-applikazzjonijiet   li jistgħu jinkisbu mill-istess Dipartiment taċ-Ċittadinanza u ta’ l-Expatriates,  u jiġu ppreżentati fl-istess Dipartiment  jew mibgħuta bil-posta, flimkien mad-dokumenti u ħlasijiet meħtieġa. 

Applikazzjonijiet (għal ħruġ u tiġdid ta’ permessi ta’ residenza)  li kienu ġew sottomessi  lill-awtoritajiet tal-Pulizija, diġà ġew riferuti lid-Dipartiment taċ-Ċittadinanza u ta’ l-Expatriates, biex jiġu pproċessati.  Minħabba li dawn l-applikazzjonijiet għandhom bżonn jiġu aġġornati, il-persuni konċernati se jiġu avżati b’dan malajr kemm jista’ jkun. 

NOTA: Arranġamenti dwar ċittadini ta’ l-Unjoni Ewropea, se jiġu mħabbra iktar ’il quddiem. Għalissa, ċittadini ta’ l-Unjoni Ewropea għandhom jibqgħu japplikaw fl-Uffiċċju ta’ l-Uffiċjal Prinċipali ta’ l-Immigrazzjoni, Kwartieri Ġenerali tal-Pulizija, il-Furjana. Kjarifiki dwar materji ta’ residenza jistgħu jsiru billi wieħed jikkomunika mad-Dipartiment taċ-Ċittadinanza u ta’ l-Expatriates, fuq:

Numru tat-Telefon:22001800
Numru tat-Telefax:22001830

Indirizz ta’ l- E-mail:            citizenship@gov.mt

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow