Left arrow Go Back

JUM IT-TIFKIRA - IL-ĦADD, 12 TA' NOVEMBRU, 2006

PR1503
Date Icon 03/11/2006

Jum it-Tifkira, li huwa ċċelebrat fil-pajjizi kollha tal-Commonwealth, b'ġieħ il-vittmi kollha taż-żewġ Ġwerer Dinjija, se jkun mfakkar f'Malta mill-Kumitat Festi Nazzjonali  nhar il-Ħadd, 12 ta' Novembru, 2006. 

F'din l-okkażjoni, il-Kapitlu Metropolitan se jfakkar il-Vittmi tal-Ġwerer, b’Quddiesa Konċelebrata  fil-Konkatidral ta' San Ġwann, Valletta fid-9.15 ta' filgħodu.  

Qabel il-Quddiesa, il-President ta' Malta jispezzjona Gwardja ta' l-Unur mill-Forzi Armati ta' Malta, fi Pjazza San Ġwann.  Tieħu sehem ukoll il-Banda tal-Forzi Armati. 

Wara, fil-10.40 ta’ filgħodu, issir ċerimonja ta' Tifkira fuq il-Monument tal- Ġwerra l-Floriana.  Matul din iċ-Ċerimonja jitqiegħdu kuruni mill-ogħla awtoritajiet nazzjonali u persuni distinti flimkien ma’ għaqdiet oħra li ser jattendu wkoll għall-Quddiesa. 

Il-Forzi Armati ta' Malta u Kontingent mill-Korp tal-Pulizija se jifformaw flimkien Gwardja ta' l-Unur għal matul iċ-Ċerimonja tat-Tqegħid ta' Kuruni. Jieħdu sehem ukoll kontingent ta' ex-Servicemenmir-Royal British Legion.  

Korpi Kostitwiti u Għaqdiet oħra li jixtiequ jipparteċipaw fiċ-Ċerimonja fuq il-Monument tal-Gwerra billi jqiegħdu kuruni għandhom javżaw lill-Kumitat Festi Nazzjonali permess ta’ e.mail fuq l-indirizz eletroniku  antonmiceli@maltaculture.com

L-appell tradizzjonali ta' Jum it-Tifkira mill-Poppy Day Appeal Fund, bħala għajnuna lil dawk il-Maltin li kienu fis-Servizzi u lid-dipendenti tagħhom isir matul il-ġranetbejn is-5 u t-12 ta' Novembru, 2006.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow