Left arrow Mur Lura

JIDĦLU FL-AĦĦAR FAŻI X-XOGĦLIJIET FIĊ-ĊENTRU TA’ B’BUGA

PR1485
Date Icon 31/10/2006

Kull ċentru tar-raħal jew lokalita` ta’ pajjiżna għandu potenzjal x’joffri u l-mod artistiku tal-knejjes imdawwra bi znieter jkomplu jagħmlu dawn iċ-ċentri sinjuri fl-aspett arkitettoniku.  Din kienet waħda mill-għanijiet l-għala f’dawn l-aħħar tlett snin, il-Gvern investa ‘l fuq minn Lm400,000 biex isebbaħ dawn iċ-ċentri, liema tip ta’ xogħlijiet ser jitkomplew fil-futur.  Dan qalu l-Ministru  għar-Rizorsi u l-Infrastruttura, l-Onor. Ninu Zammit meta kien qed iżur xogħlijiet fuq iz-zuntier ta’ B’Buga. 

Ix-xogħlijiet fiċ-ċentru ta’ B’Buga kienu bdew fil-bidu ta’ din is-sena u l-ewwel ma sar kien it-tisbiħ fil-ġnien ta’ wara l-Knisja, u xogħlijiet fil-parking ta’ wara l-knisja.  

Saru mill-ġdid il-bankini li jdawru l-knisja u li ndirettament jiffurmaw parti miz-zuntier. Il-Ministru qal li minħabba l-festi tar-raħal, ix-xogħlijiet fuq iz-zuntier innifsu ma setgħux jitkomplew wara li tlesta l-ġnien, u għaldaqstant kien aktar għaqli li x-xogħol jitkompla wara l-istaġun tas-sajf.  Fil-ġnien ġew imħawwla siġar, tpoġġew bankijiet u sar pavimentar tal-bankini kif ukoll tal-passaġġ li jifred il-binja tal-knisja mill-ġnien, sabiex b’hekk permezz tad-disinn tal-pavimentar, il-ġnien sar jifforma parti mill-pjazza ta’ quddiem il-knisja.

Ix-xogħlijiet fuq iz-zuntier kienu jinkludu t-tneħħija ta’ materjal, li primarjament kien jikkonsisti f’ħamrija, b’fond ta’ madwar erba’ filati. Din il-ħamrija tneħħiet, minflokha sar packing b’materjal adekwat, ingħatat sodda ta’ konkos infurzat u bħalissa għaddej b’ritmu qawwi l-pavimentar b’kubetti tal-granit.  L-area kollha taz-zuntier tkopri madwar 750 metri kwadri 

Ix-xogħol jinkludi wkoll il-pavimentar tal-parti mat-taraġ tal-bieb prinċipali tal-knisja u z-zuntier, areata’ madwar 100 metru kwadru. Dan it-tarag ukoll qed jiġi mibdul b’wieħed tal-granit.  Qed issir ukoll sistema ġdida ta’ illuminazzjoni fuq il-faċċata u l-ġnub tal-knisja biex l-arkitettura tkun tista` tiġi ammirata wkoll matul il-lejl. 

Dan ix-xogħol qed isir kollu mill-ħaddiema tal-gvern u l-finanzjament tiegħu jlaħħaq madwar Lm180,000. Ix-xogħol huwa ppjanat li jintemm qabel l-aħħar ta’ din is-sena. 

Fl-aħħarnett il-Ministru Ninu Zammit fakkar li dan ix-xogħol huwa ħolqa oħra fil-katina twila ta’ xogħlijiet li qed jitwettqu mill-Ministeru għar-Rizorsi u l-Infrastruttura. Ix-xogħlijiet imwettqa f’sena waħda biss ivarjaw minn restawr fuq kapelli, knejjes, fortifikazzjonijiet, swar u monumenti storiċi, xogħlijiet ta’ tisbiħ fiċ-ċentri ta’ l-irħula, xogħlijiet ta’ tisbiħ u bini ta’ promenades max-xtut ta’ pajjiżna, xogħlijiet  għal prevenzjoni mill-għargħar u xogħlijiet f’ġonna nazzjonali u pubbliċi.

Dan kollu juri l-impenn tal-Gvern li r-riżorsi umani jiġu utiliżżati bl-aħjar mod possibli u fl-aħjar interess nazzjonali. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow