Left arrow Mur Lura

IL-POLITIKA NAZZJONALI DWAR IT-TURIŻMU

PR1439
Date Icon 23/10/2006

Il-Ministeru għat-Turiżmu u Kultura jirreferi għal stqarrija maħruġa l-lum mid-deputat Laburista Evarist Bartolo dwar r-rakkomandazzjonijiet tal-Grupp Konsultattiv dwar it-Turiżmu maħtur ftit tal-ġimgħat ilu mill-Ministru għat-Turiżmu u Kultura Francis Zammit Dimech. 

Il-Ministeru għat-Turiżmu u Kultura jixtieq jinforma lil kulħadd li wara li rċieva r-rakkomandazzjonijiet tal-Grupp Konsultattiv dwar it-Turiżmu qiegħed, bi ftehim ma’ l-istess grupp konsultattiv, janalizza d-diversi suġġerimenti biex jimplimenta minnhom dawk kollha li jistgħu jitwettqu għall-ġid ta’ l-industrja tat-turiżmu u tal-pajjiż.  

Il-Ministeru lesta wkoll il-Politika Nazzjonali dwar it-Turiżmu għall-Gżejjer Maltin. Din tippreżenta numru ta’ prinċipji li għandhom jiggwidaw d-deċiżżjonijiet  li jkollhom impatt dirett u indirett fuq is-settur turistiku lokali biex dan jibqa’ kompetttiv. Għalkemm id-dokument dwar il-Politika Nazzjonali dwar it-Turiżmu kien diġa` lest qabel mal-Gvern irċieva r-rakkomandazzjonijiet tal-Grupp Konsultattiv, il-Gvern ħass bi prudenza li f’dan l-istadju m’għandux jippubblika l-Politika Nazzjonali biex preċiżament ikun jista’ jintegra fiha kemm jista’ mir-rakkomandazzjonijiet tal-Grupp Konsultattiv. Il-Politika Nazzjonali dwar it-Turiżmu ser tiġi ppubblikata lejn tmiem din is-sena. 

Ta’ min ifakkar li fil-budget għall-2007 il-Gvern qed jiddedika Lm15.6 miljun favur is-settur turistiku, li hu 40 fil-mija aktar mill-vot għat-turiżmu tas-sena l-oħra. Dan juri b’liema serjeta’ il-Gvern qed jieħu dan is-settur li jqisu bħala wieħed mit-tliet pilastri ewlenin ta’ l-ekonomija nazzjonali.  

Il-Gvern għandu bis-serjeta’ għall-qalbu l-industrja tat-turiżmu u jistmerr tentattivi regolari mill-Oppożizzjoni li l-ħin kollu tipprova  ddawwar dan is-suġġett f’wieħed ta’ politika partiġġjana. Wara kollox il-fatt stess li twaqqaf Grupp Konsultattiv, u li issa dan il-grupp ppreżenta l-proposti tiegħu lill-Gvern fi proċess ta’ diskussjoni serja, hi inizjattiva oħra ta’ l-istess Gvern preżenti.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow