Left arrow Mur Lura

INVESTIMENT TA’ €63 MILJUN BIEX TIĠĠEDDED IL-KOSTA MINN RIKAŻLI SAL-PONTA TAŻ-ŻONQOR - L-IMPJANT JITLESTA U JIBDA JITĦADDEM SA’ L-AĦĦAR TA’ L-2008

PR1433
Date Icon 22/10/2006

Il-Gvern ħabbar investiment ta’ € 63 miljun biex jinbena l-impjant li ser jsaffi 80% tad-drenaġġ li jiġi ġġenerat Malta. Minkejja li huwa magħruf bħala l-impjant tan-nofsinhar ta’ Malta, fil-fatt jitratta d-drenaġġ li huwa ġġenerat minn Baħar ic-Cagħaq l-isfel.  

Dettalji dwar dan l-investiment ingħataw waqt konferenza ta’ l-aħbarijiet mogħtija mill-Ministru Austin Gatt. Fi kliem il-Ministru Gatt, din hi parti kruċjali mill-istrateġija tal-Gvern għal dan il-qasam li fuq medda ta’ ħames snin, ser ikun qed jinvesti ftit anqas minn €100 miljun, li ser iwettaq il-mira li d-drenaġġ kollu li jintefà l-baħar f’Malta u Għawdex ikun ittrattat skond in-normi Ewropej tad-drenaġġ u l-ilma tajjeb għall-għawm.  

Dan l-impjant huwa maħsub li jiltesta u jibda jitħaddem sa’ l-aħħar ta’ l-2008 u permezz tiegħu l-kosta kollha fix-Xlokk ta’ Malta ser tkun tajba għall-għawm u rekreazzjoni, b’kuntrast ma’ llum fejn din il-kosta hija suġġetta għall-kontaminazzjoni kontinwa mit-tfigħ fil-baħar tad-drenaġġ mhux trattat.

Konsegwenza ta’ dan, ser tiġi eliminata r-roqgħa ta’ l-isbroff tad-drenaġġ f’wiċċ il-baħar. Minbarra dan, permezz ta’ dan l-investiment, ser jiġi ġenerat ammont sostanzjali t’ilma li jistgħa jintuża kemm għall-agrikoltura kif ukoll għall-manteniment kollu tal-100,000 kilometru kwadru ta’ żoni pubbliċi u miftuħa fi Smart City.  

Il-Ministru Gatt qal li din hija xhieda ta’ l-impenn tal-Gvern immexxi mill-Prim Ministru Lawrence Gonzi lejn in-nofs in-nhar ta’ Malta. (L-għażla ta’ Smart City saret ukoll b’intenzjoni ċara li n-nofsinhar isir il-qalba tas-servizzi f’pajjizna.) B’dan l-investiment ta’ €63 miljun ser inkunu qegħdin nagħtu lura l-kosta lill-Kalkara u lix-Xgħajra, xhieda tad-determinazzjoni li ntejbu n-nofsinhar tal-gżira Maltija.  

Is-sit magħżul huwa Ta’ Barkat. Dan is-sit huwa 480 metru l-bogħod mix-Xgħajra (bl-eċċezzjoni ta’ ftit djar mibnija barra l-iskema ta’ l-iżvilupp). Huwa kilometru u nofs il-bogħod mill-Kalkara u 840 metru ‘l bogħod minn Ħaż-Żabbar.  

Il-Ministru Austin Gatt spjega li fil-proċess kollu ser ikun l-involviment tal-Kunsill Lokali tax-Xgħajra. Mhux biss, “iżda nikkonferma li d-dispożizzjoni tal-Korporazzjoni għas-Servizzi ta’ l-Ilma u l-Gvern kollu” biex jieħu l-mizuri kollha neċessarji biex itaffu kull inkonvenjent.  Fil-fatt, kompla l-Ministru Austin Gatt, il-Kabinett ta direzzjoni lill-Ministri Ninu Zammit u Jesmond Mugliett (bħala Ministri responsabbli mir-Riżorsi u l-Infrastruttur u mill-Iżvilupp Urban u Toroq rispettivament) jikkonsidra b’mod favorevoli kull proġett li jressaq il-Kunsill Lokali tax-Xgħajra.  

Il-Ministru Austin Gatt spjega li l-ħolqien ta’ Smart City kien biss wieħed mill-kunsiderazzjonijiet li ttieħdu fl-għażla tas-sit. L-għażla tas-sit hija determinata primarjament mill-fatt li l-qlib ta’ wiċċ l-art, kif ukoll l-infrastruttura kollha tad-drenaġġ taqleb lejn ix-Xlokk. Il-fatt li dan l-impjant kellu jsir x’imkien fuq il-kosta tal-Kalkara jew tax-Xgħajra ħadd ma jistgħa jiċħdu. Kemm fl-1992, kif ukoll bejn l-1996 u 1998, din il-parti tal-kosta kienet identifikata bħala ż-żona idejali għal dan is-sit. Il-Ministru Gatt kompla li l-ħolqien ta’ Smart City wassal biex il-Gvern ikompli jfittex f’sistemi u makkinarji u teknoloġiji li ser iwasslu biex fl-aħħar ta’ l-2008 jkun hemm impjant li ma jrejjaħx, ta’ daqs iżgħar milli kien maħsub għall-ewwel, kif ukoll f’distanzi aktar ‘il bogħod mill-qalba ta’ l-irħula.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow