“BUDGET LI JRID JOĦLOQ AKTAR IMPJIEGI ĠODDA U JARA KOMSUMATURI MOQDIJA AĦJAR AKTAR MA JIŻDIED IL-KUMMERĊ” – IS-SEGRETARJU PARLAMENTARI EDWIN VASSALLO
L-INIZJATTIVI KOLLHA TAL-BUDGET HUMA MAĦSUBA BIEX IKOMPLU JIFTĦU LIL PAJJIŻNA GĦAL AKTAR NEGOZJU
Il-Gvern huwa determinat li jara lin-negozju jkompli jikber u l-attivita’ kummerċjali tissaħħaħ. Permezz ta’ dan il-budget, il-Gvern ikkonferma kemm huwa Gvern qrib tas-self employed u s-sidien ta’ negozji żgħar. Dan għaliex l-inizjattivi kollha huma maħsuba biex jgħinu lil min qiegħed fin-negozju, kemm jekk self employed u kemm jekk sidien tan-negozji żgħar, biex dawn jirnexxu.
In-negozji kollha li għandna f’pajjiżna, huma ta’ liema settur huma, ġew mogħtija l-attenzjoni tal-Gvern, u permezz ta’ dawn l-inizjattivi, il-Gvern qed jara li f’pajjiżna tiżdied l-attivita’ kummerċjali. Bl-inizjattivi biex it-turiżmu jissaħħaħ, bl-inizjattivi favur Għawdex kif ukoll bl-inizjattivi favur l-industrija l-kbira l-Gvern qiegħed jara li issa dan l-iżvilupp ikompli jinfirex ukoll ma’ l-għadd kbir ta’ negozji żgħar.
Dan għaliex bħala Gvern huwa konxju li iżjed ma jkunu komdi s-selfemployed u s-sidien tan-negozji żgħar, aktar jiżdied in-numru ta’ opportunitajiet ta’ impjiegi ġodda, filwaqt li l-konsumaturi jkunu moqdija aħjar.
Fil-prattika, kull inizjattiva mħabbra hija inizjattiva maħsuba biex jiżdied il-kummerċ, hija wkoll inizjattiva favur il-konsumatur u min qiegħed fin-negozju. Permezz ta’ anqas burokrazija, aktar toroq ġodda fiż-żoni industrijali, bini ta’ aktar żoni industrijali u tisbieħ ta’ aktar pjazzez u toroq ġodda għandna naslu biex pajjiżna jkompli jissaħħaħ bħala ċentru t’attivita’ kummerċjali fil-Mediterran.
Issa rridu nkomplu ngħinu lil kull negozju jkun aħjar milli hu fis-settur. Dan huwa l-impenn tal-Gvern permezz tas-Segretarjat Parlamentari għan-Negozji Żgħar u s-Self Employed. Il-Gvern determinat li jkun l-aħjar Gvern li kapaċi jisma’ u jifhem lil min qiegħed fin-negozju u bil-provi jkun l-aktar Gvern li qatt kien qrib min qiegħed fin-negozju. Aktar ma jaħdem min qiegħed fin-negozju aktar jinħolqu impjiegi.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958