IPPUBBLIKATA L-50 EDIZZJONI TA’ ‘MALTA & GOZO DAY BY DAY
Il-Ministru għat-Turiżmu u Kultura Francis Zammit Dimech ġie ppreżentat bil-50 edizzjoni tal-‘Malta & Gozo Day by Day’ minn Joe A. Grima, Managing Director u Chris Grima, Marketing Manager ta’ Impact Public Relations.
Il-magazin li ġie ppjanat minn Impact Public Relations bil-għan li jipprovdi servizz ta’ kwalità lit-turisti u barranin li jgħixu fil-gżejjer Maltin, issa ilu joħroġ b’mod regolari għal erba’ snin u nofs, billi l-ewwel żewġ edizzjonijiet kienu fuq bażi ta’ kull xahrejn, iżda minn Jannar 2003 ħareġ regolarment kull xahar.
Illum dan il-magazin jwassal dettalji dwar avvenimenti ta’ interess għat-turisti u residenti barranin, li magħhom wieħed irid jgħodd ukoll dawk li jkunu fuq il-yachts fid-diversi marinas. Il-magazin hu ppubblikat bl-Ingliz, Ġermaniż, Franċiż u Taljan.
Fil-magazin ta’ dan ix-xahar tingħata prominenza qawwija lil avvenimenti bħalma huma l-Historic Cities Festival, Notte Bianca, l-Middle Sea Race u Mediterranea, kif ukoll firxa oħra ta’ attivitajiet kulturali u ta’ divertiment, inkluża wkoll inizjattiva kulturali mill-Ambaxxata Taljana f’Malta.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958