MESSAĠĠ MILL-MINISTRU GĦALL-KOMPETITTIVITA’ U KOMUNIKAZZJONI FL-OKKAZJONI TAL-JUM DINJI MARITTIMU
Illum huwa il-Jum Dinji Marittimu. Dan il-jum ġie stabbilit mill Organizzazzjoni Dinjija Marittima. Din il-ġurnata sservi biex tinħoloq kuxjenza dwar inizjattivi f’dan il-qasam. Il-ħidma tal-Gvern fis-settur Marittimu kemm fil-kuntest lokali, kif ukoll fil-fora internazzjonali, huma kkordinati mill-Awtorita’ Marittima ta’ Malta.
Ir-rwol prinċipali ta’ l-Awtorita’ Marittima ta’ Malta, fi ħdan il-Ministeru tal-Kompetittivita’ u Komunikazzjoni hu li tirregola l-qasam Marittimu u li toħloq ambjent favorevoli għall-iżvilupp ta’ dan is-settur.
Dan ix-xogħol jinkludi:
· Żvilupp fir-relazzjonijiet marittimi ma’ l-UE, l-IMO u ma’ pajjiżi oħra, speċjalment fil-Mediterran. Eżempju. Motorways of the seas;
· Ir-reġistru tal-bastimenti;
· Il-Portijiet;
· Il-Yacht Marinas
F’dan il-jum għandna għalhekk niftakru li għandu jkun hemm koordinazzjoni sħiħa fil-ħidma marittima ta’ pajjiżna. Kull settur marittimu għandu l-valur partikolari tieghu, iżda il-veru valur jinkiseb bil-koordinazzjoni tas-setturi kollha flimkien.
Matul ix-xhur li għaddew inbeda l-proċess li għandu jwassal għar-riforma kompleta tax-xogħol fil-portijiet tagħna. L-istess proċess kellu jimxi b’pass iktar mgħaggel izda ċ-ċirkostanżi li nqalgħu f’dawn l-aħħar gimgħat, ma ppermettewx dan iseħħ. Issa li s-sitwazzjoni trejunjonistika reggħet għan-normal nemmen li l-proċess tal-bidla jista’ jerga’ jaqbad ritmu tajjeb biex jiġi konkluż fl-iqsar żmien possibli.
Ix-xogħol fil-portijiet tagħna jiddependi minn dawn il-bidliet u għalhekk hu mehtieg li l-pass tal-bidla jitħaffef.
F’oqsma oħra marbuta mas-settur marittimu hu mistenni li Malta tkun minn ta’ quddiem bis-sehem tagħha, fil-livell Ewropew biex il-Green Paper dwar il-politika marittima mfassla mill-Kummissarju Malti Joe Borg, tiġi adottata u mwettqa fi-żmien li ġej.
Matul ix-xhur li ġejjin Malta ser tibqa’ mpenjata’ biex tassigura li l-bidliet neċessarji jissaħħu. Ser inkomplu ukoll naraw li oqsma Marittimi oħra, bħal m’hu r-registru tal-vapuri jibqgħu javvanzaw u jtejbu l-istatura mondjali tagħhom bħalma ġara din is-sena meta Malta daħlet għall-ewwel darba fl-hekk imsejħa While List tal-Paris Memorandum of Understanding.
Fil-livell lokali ser inkomplu wkoll naħdmu biex ħtigijiet marittimi lokali jintlaħqu. F’dan il-qasam, minbarra l-bidliet fil-portijiet, liema bidliet huma għodda mportanti biex tiżdied il-kompetittivita ta’ pajjizna, irridu wkoll naħdmu biex faċilitajiet oħra meħtiega bħal ma huma Yacht Marinas, ikomplu jikbru u jtejjbu il-faċilitajiet li għandna.
F’dan il-Jum Marittimu internazzjonali, l-appell tiegħi lil kull min jaħdem jew jiddependi minn dan is-settur hu biex jaghti sehemhu biex dan il-qasam ikompli jiżviluppa u jissaħħaħ fl-aħjar interess ta’ pajjiżna.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958