Left arrow Mur Lura

MALTA AVVANZAT ĦAMES POSTIJIET FIL-LISTA TA’ L-EKONOMIJI L-AKTAR KOMPETITTIVI FID-DINJA

PR1298
Date Icon 27/09/2006

Il-Ministeru għall-Kompetittività u l-Komunikazzjoni qed jesprimi s-sodisfazzjon tiegħu għar-riżultat li nkiseb fir-rigward tal-pożizzjoni ta’ Malta fir-rapport tal-Forum Ekonomiku Dinji. Il-miżuri li qiegħed iwettaq il-Gvern sabiex ipoġġi l-ekonomija tal-pajjiż fuq bażi iktar soda u fl-istess waqt itejjeb il-kwalità tal-ħajja tal-Maltin kollha, qegħdin ikollhom ir-riżultati mixtieqa.  

Fir-rapport tal-Forum Ekonomiku Dinji li kien ippublikat il-bieraħ, Malta avvanzat ħames postijiet, għad-39 post fil-lista ta’ l-ekonomiji l-aktar kompetittivi fid-dinja. Il-pożizzjoni ta’ Malta tjiebet ukoll meta kkumparata ma’ pajjiżi oħra membri ta’ l-UE fejn issa tinsab fid-19-il post; aħjar minn pajjiżi bħall-Italja u l-Greċja membri antiki, kif ukoll aħjar mill-Ungerija, Ċipru, Litwanja, u l-Polonja li huma membri ġodda. 

Il-pubblikazzjoni ta’ dan ir-rapport waslet fiż-żmien meta wasalna biex inlestu l-Ewwel Rapport dwar il-Progress li sar fit-twettieq tal-Pjan Nazzjonali ta’ Riforma (NRP). L-NRP kien mfassal is-sena l-oħra wara proċess ta’ konsultazzjoni intensiva bejn Ministeri, korpi kostitwiti, organizzazzjonijiet mhux governattivi, u l-pubbliku, bħala programm ta’ azzjoni sabiex pajjiżna jimxi mal-linji gwida ta’ l-Aġenda ta’ Lisbona sabiex titjib il-pożizzjoni ekonomika ta’ Malta fit-tliet snin li ġejjin. F’dan id-dokument kienu elenkati ħames punti ewlenin ta’ priorità li fihom setgħet issir iktar ħidma konkreta biex tavvanza l-kompetittività ta’ pajjiżna. Dawn huma: is-sostenibilità tal-finanzi pubbliċi; il-kompetittività; ir-riċerka u l-innovazzjoni; l-edukazzjoni u t-taħriġ; u l-ambjent. L-ewwel rapport ta’ progress wara sena ħidma mistenni jikkonferma titjib fil-kompetittività tal-pajjiż wara li d-diversi miżuri inkorporati fid-dokument ta’ l-NRP diġà qed ikunu attwati fil-Budget ta’ l-2006, u iktar miżuri huma msemmija fid-dokument ta’ qabel il-Budget ta’ l-2007. Fost dawn insibu r-riforma fil-pensjonijiet, ir-riforma fil-portijiet, u miżuri oħra fl-edukazzjoni u l-impjiegi.     

Dan juri li filwaqt li l-proċess tat-tisħiħ ta’ l-ekonomija tal-pajjiż huwa kontinwu, il-Gvern hu determinat li jkompli bil-ħidma tiegħu bl-għan li jtejjeb il-kompetittività tal-pajjiż, u b’hekk jaċċerta futur aħjar għall-Maltin kollha. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow