Left arrow Mur Lura

GĦOTJA MILL-FOND GĦALL-KAWŻI ĠUSTI LIL FLORIANA FC YOUTH NURSERY

PR1268
Date Icon 20/09/2006

Floriana FC Youth Nursery ibbenefikaw minn għotja ta’ Lm15,000 mill-Fond għall-Kawżi Ġusti (National Lottery Good Causes Fund). Din l-għotja kienet ippreżentata lil Floriana FC Youth Nursery mis-Segretarju Parlamentari fil-Ministeru tal-Finanzi, Tonio Fenech, fi preżentazzjoni li saret fl-Arena ta’ l-Indipendenza li fiha kienu enfażizzati l-iskopijiet tal-fondi li jingħataw minn dan il-Fond.

Is-Segretarju Parlamentari Tonio Fenech qal li permezz tal-fondi li l-Gvern jagħti minn dan il-Fond, qed ikunu mgħejjuna assoċjazzjonijiet sportivi u oħrajn li jkunu wettqu inizjattivi u proġetti li minnu jkunu se jibbenefikaw kemm il-klabb involut, kif ukoll is-soċjeta’ u l-komunita’.

Fil-każ ta’ Floriana FC Youth Nursery, l-għajnuna ngħatat għall-proġett ta’ ground bit-turf sintetiku fl-Arena ta’ l-Indipendenza li qed jintuża kemm mill-Floriana FC Youth Nursery, kif ukoll għall-użu tat-taħriġ tat-team tal-Premier ta’ Floriana FC.

Is-Segretarju Parlamentari Tonio Fenech enfażizza l-importanza tan-nurseries fil-lokalitajiet u qal li dawn qed iħallu ħafna ġid mhux biss fit-taħriġ tat-tfal fil-football iżda iktar minn kollox fil-formazzjoni taż-żgħażagħ.

Konxju minn dan l-aspett, il-Gvern hu determinat li jkompli jgħin lil dawn l-assoċjazzjonijiet fil-ħidma tagħhom għall-fatt li l-fondi mogħtija huma strumentali biex dawn il-proġetti jitwettqu.

Is-Segretarju ta’ Floriana FC, Dione Borg esprima l-apprezzament tal-klabb Furjaniż għal din l-għotja u qal li l-komunita tal-Floriana tapprezza din l-għajnuna għaliex permezz tagħha, se jkomplu jitjiebu l-faċilitajiet sportivi fil-Floriana. Wara li xi snin ilu Floriana FC ingħataw it-titlu fuq l-Arena ta’ l-Indipendenza fil-Floriana, il-klabb wettaq proġetti biex il-faċilitajiet sportivi fl-Arena jkunu mtejba. Fost dawn hemm il-ground bit-turf sintetiku ta’ l-għola livell li qed joffri l-aqwa faċilitajiet għall-isportivi.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow