IT-TIENI LAQGĦA FIS-SENSIELA “IL-MINISTRU FOSTKOM”
Wara s-suċċess ta’ l-ewwel laqgħa fis-sensiela “Il-Ministru fostkom” li seħħet bejn l-Onor. Dolores Cristina u membri tal-pubbliku mill-Kottonera, ser issir it-tieni laqgħa nhar il-Ġimgħa, 22 ta’ Settembru.
Din id-darba jmiss lin-nies li huma residenti fl-irħula ta’ Birkirkara, Ħal-Balzan, Ħal-Lija u l-Iklin.
Il-laqgha ser issir bejn id-9.30 ta’ filgħodu u n-12.30 ta’ wara nofs in-nhar fil-bini tal-Kunsill Lokali ta’ Birkirkara. F’dawn it-tlett siegħat il-Ministru Cristina ser tiltaqa’ b’mod individwali ma’ numru ta’ nies li jkunu għamlu appuntament mal-Customer Care tal-Ministeru.
Min jixtieq jagħmel appuntament għandu jċempel lil Customer Care fuq in-numru 2590-3006 u jħalli ismu w n-numru tal-karta ta’ l-identità. Mhux ser jkun possibli li l-Ministru Cristina tiltaqa’ personalment ma’ kulħadd, għalhekk l-appuntamenti ser jingħataw skond min iċempel l-ewwel.
Madankollu n-nies li ma jingħatawx appuntament mal-Ministru xorta waħda se jkollhom l-opportunità li jiltaqgħu ma’ uffiċjali tal-Customer Care tal-Ministeru li ser ikunu flimkienmal-Ministru Cristina. Jekk xi ħadd jixtieq ikellem lil uffiċjali tad-Dipartiment tas-Sigurtà Soċjali, għandu jispeċifika dan meta jċempel lil Customer Care biex jiffissa l-appuntament. Min ma jċemplix xorta waħda jista’ jiġi l-Kunsill Lokali u jitniżżel dak il-hin stess għal appuntament mal-Customer Care aktar tard.
Din hija opportunità fejn in-nies jistgħu jiltaqgħu mal-Ministru tal-Familja u Solidarjetà Soċjali fil-lokalità tagħhom stess, f’ambjent fejn huma jħossuhom komdi.
Se jsiru laqgħat oħra f’din is-sensiela madwar Malta u Għawdex. Għalhekk in-nies li m’humiex mill-lokalitajiet imsemmija, mitluba jistennew sakemm il-laqgħa ssir fil-lokalità tagħhom sabiex jiffissaw appuntament.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958