Left arrow Go Back

IL-PRIM MINISTRU JIPPARTEĊIPA FIL-KUNSILL TAL-MINISTRI TA’ L-AFFARIJIET EKONOMIĊI U L-FINANZI TA’ L-UNJONI EWROPEA U S-SUMMIT TA’ L-ASJA U L-EWROPA

PR1226
Date Icon 07/09/2006

Illum il-Prim Ministru Dr Lawrence Gonzi se jħalli Malta għall-Finlandja fejn se jipparteċipa fil-Kunsill tal-Ministri ta’ l-Affarijiet Ekonomiċi u l-Finanzi ta’ l-Unjoni Ewropea kif ukoll is-Summit bejn l-Asja u l-Ewropa, ASEM.

It-tema tas-summit, ‘10 snin ta’ ASEM: Sfidi Globali – Tweġibiet Konġunti’ tfakkar l-għaxar anniversarju mill-proċess tal-ko-operazzjoni ASEM u tirrifletti objettivi komuni u żviluppi globali. Fis-summit se jipparteċipaw il-mexxejja ta’ 38 pajjiż Asjatiku u Ewropew kif ukoll il-Kummissjoni Ewropea li se jiddiskutu temi importanti li jvarjaw minn sfidi politiċi kruċjali sat-tisħiħ ta’ ko-operazjoni ekonomika. Is-summit se jindirizza wkoll ir-rwol ta’ l-innovazzjoni, ix-xjenza u t-teknoloġija bħala mezzi ta’ kif tissaħħaħ il-kompetittivita`.

Matul is-summit ta’ l-ASEM, il-Prim Ministru se jkun akkumpanjat mir-Rappreżentant Permanenti ta’ Malta għall-Unjoni Ewropea, Richard Cachia Caruana, l-Ambaxxatur Noel Buttigieg Scicluna, l-Assistent Kap tas-Segretarjat tal-Prim Ministru, Leonard Callus, is-Segretarja tal-Media u l-Komunikazzjoni fl-Uffiċċju tal-Prim Ministru, Josephine Vassallo, u Uffiċjal Għoli mill-Ministeru għall-Affarijiet Barranin, Jesmond Schembri. Għall-ECOFIN, il-Prim Ministru se jkun akkumpanjat ukoll mis-Segretarju Parlamentari fil-Ministeru tal-Finanzi, Tonio Fenech, il-Gvernatur tal-Bank Ċentrali ta’ Malta, Michael Bonello u s-Segretarju Parmanenti fil-Ministeru tal-Finanzi, Alfred Camilleri.

Il-Prim Ministru huwa mistenni lura Malta nhar it-Tnejn 11 ta’ Settembru. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow