Left arrow Go Back

TINTEMM IL-ĦDAX-IL EDIZZJONI TA’ SKOLASAJF

PR1225
Date Icon 07/09/2006

Skolasajf 2006 tiġi fi tmiemha bil-Fieramaratona li ser issir bejn l-Erbgħa 6 ta’ Settembru u l-Ħadd 10 ta’ Settembru 2006, fil-Liċeo tal-Bniet Maria Reġina Blata l-Bajda. Il-Fieramaratona ta’ din is-sena għandha it-tema ‘Flimkien Favur l-Ambjent’ u ssir bl-iskop li ċ-Ċentri kollha ta’ Skolasajf juru t-talenti tagħhom u l-ħidma li wettqu matul it-tmien ġimgħat mill-vaganzi tagħhom. Il-Fieramaratona turi x-xogħlijiet kreattivi tat-tfal f’Wirja Nazzjonali. Ix-xogħlijiet juru l-ħidma kbira li t-tfal għamlu b’rabta mat-tema ta’ l-Ambjent u jvarjaw fuq suġġetti bħall-annimali, il-baħar, riċiklaġġ ta’ l-iskart u ħafna affarijiet oħra. Il-Fieramaratona tagħti wkoll l-opportunità liċ-Ċentri biex itellgħu preżentazzjoni ta’ ftit minuti fit-Teatru Grieg ta’ l-iskola Maria Reġina l-Blata l-Bajda.

Il-Ftuħ Uffiċjali tal-Fieramaratona sar nhar l-Erbgħa 6 ta’ Settembru fis-6.30 p.m. Waqt il-Ftuħ Uffiċjali l-Ministru ta’ l-Edukazzjoni, Żgħażagħ u Xogħol ippreżenta premjijiet lil Ċentru ta’ Skolasajf u żewġ studenti (tifel u tifla) li spikkaw fix-xogħlijiet tagħhom li bnew b’rabta ma’ l-Ambjent.

Waqt il-Fieramaratona se jkun hemm numru ta’ preżentazzjonijiet minn Ċentri differenti.

Skolasajf toffri l-opportunità għal edukazzjoni informali fejn it-tfal jieħdu gost u jaqsmu esperjenzi ta’ tagħlim flimkien. Matul is-snin l-esperjenza ta’ Skolasajf wriet li t-tfal ikomplu jikbru bejniethom u tipprovdi opportunitajiet biex jimirħu fir-rapprezentanza simbolika, il-logħob immaġinattiv, l-arti u l-krafts, id-drama, il-moviment u l-mużika u jħossuhom aktar entużjasti lejn sena akkademika ġdida.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow