INTERNATIONAL WRESTLING COMPETITION GĦAS-SITT DARBA FL-UNIVERSITÀ TA’ MALTA
“Kompetizzjonijiet sportivi bħal din tal-lum huma bżonjużi biex inrawwmu atleti f’dixxiplini sportivi differenti. L-involviment ta’ pajjiżi barranin jgħin ukoll biex dawn l-atleti jrawwmu esperjenzi internazzjonali”. Dan qalu l-Ministru ta’ l-Edukazzjoni, Żgħażagħ u Xogħol, Dr. Louis Galea, waqt li kien qed jagħmel id-diskors tal-ftuħ ta’ l-‘Internatiaonal Wrestling Competition’. Din hi s-sitt darba li qed tittella’ din il-kompetizzjoni, organizzata mill-Klabb Lotta ta’ l-Università ta’ Malta, bl-għajnuna tal-Federazzjoni Maltija Lotta u l-Kunsill Malti għall-Isport (KMS).
L-avveniment intrebaħ mill-Klabb ta’ l-Università ta’ Malta meta ħadu l-ewwel post tliet darbiet fi 3 snin konsekuttivi – 2001, 2002, 2003 – u t-tieni post fl-2004. Din is-sena ser jieħdu sehem it-team Artern mill-Ġermanja, it-team mill-Irlanda Hercules, it-team mill-Università ta’ Malta, il-Klabb Furtu Salvatico minn Naxxar, il-Klabb tal-Kulleġġ Stella Maris u għall-ewwel darba l-Klabb Ċentru Sportiv Qawra. Għall-ewwel darba din is-sena ser jipparteċipaw ukoll atleti żgħar taħt it-tnax-il sena.
Il-Klabb Lotta ta’ l-Universita, li ġie mwaqqaf fl-1994, ġie mistieden bosta drabi biex jipparteċipa f’kompetizzjonijiet internazzjonali, fosthom darbtejn il-Ġermanja biex jagħmel taħriġ ta’ training fil-lotta għal ħmistax-il ġurnata. Fl-1996 il-Klabb ġie mistieden f’kompetizzjoni internazzjonali ġewwa Catania fejn spiċċa fit-tieni post u sena wara kien mistieden fl-Irlanda fejn spiċċa fl-ewwel post. Ħames snin wara ġie mwaqqaf il-Klabb tal-Lotta tal-Qawra. Għall-futur il-Klabb għandu ħsieb li jorganizza tournament nazzjonali għall-Milied.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958