Left arrow Go Back

IL-PROĠETT TAL-‘PERCHED BEACH’ F’BUĠIBBA

PR1184
Date Icon 25/08/2006

Il-Ministeru għat-Turiżmu u Kultura jirreferi għall-kummenti li għamel il-Kap ta’ l-Oppożizzjoni Dr Alfred Sant meta żar il-proġett tal-‘perched beach’ li qed jinbena f’Buġibba. 

Dr Alfred Sant kien rapurtat li qal li l-proġett kellu jitlesta f’Mejju li għadda. Dan assolutament mhux veru. Fil-fatt, il-Ministru Zammit Dimech żar ix-xogħol li kien inbeda ftit ġimgħat qabel fis-16 ta’ Ġunju, 2006.  

Il-proġett ma tlestiex s’issa għaliex waqt li kien għaddej ix-xogħol instab li kien hemm drenaġġ ħiereġ mill-boathouses li hemm faċċata tal-perched beach għall-baħar u għalhekk ittieħdet id-deċiżżjoni li biex dawn ma jibqgħux jniġġsu l-baħar jitqabbdu ma’ sistema tad-drenaġġ li se tintuża għall-Public Convience li qed tinbena bħala parti mill-proġett. Illum ix-xogħol fuq is-sistema tad-drenaġġ wasal biex jitlesta u sadattant is-sentina li qed tilqa’ d-drenaġġ qed titbattal kuljum. 

Il-proġett ta’ Buġibba hu ieħor minn sensiela ta’ proġetti li dan il-Gvern qed iwettaq biex jgħolli l-livell tal-prodott turistiku Malti u biex nibqgħu kompetittivi.  

Il-Ministeru għat-Turiżmu u Kultura jinnota, li l-proġett li jsemmi li wettaq Dr. Alfred Sant f’sentejn ta’ Gvern immexxi minnu, hu biss dak tat-tisbiħ ta’ Buġibba. Ma jistax ikun mod ieħor għaliex dan kien l-uniku proġett li sar fi żmien dik l-amministrazzjoni. Min-naħa ta’ din l-amministrazzjoni twettqu diversi proġetti ta’ tisbiħ ma’ Malta kollha fosthom tul il-promenades ta’ tas-Sliema u San Ġiljan, il-bajja ta’ San Ġorġ, San Ġiljan, il-bajjiet ta’ Marsaskala, San Tumas, Birżebbuġa u Marsaxlokk, ix-Xgħajra, ix-xatt tal-Gżira u Paceville. Twettqu wkoll diversi proġetti ta’ tisbiħ fil-bliet u l-irħula kif ukoll proġetti ta’ restawr u riabilitazzjoni. 

Is-settur turistiku, li hu wieħed mill-aktar pilastri importanti għall-ekonomija nazzjonali, ma jimxix ’il quddiem  permezz ta’ kritika politika u partiġġjana, iżda billi kulħadd jiġbed ħabel wieħed fl-istess direzzjoni.  

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow