Left arrow Mur Lura

VANDALISED WALKWAY IN SLIEMA

PR1178
Date Icon 24/08/2006

Il-Proġett tal-bini mill-ġdid ta’ Triq Ħal Far li qed isir b’ko-finanzjament mill-Fond għall-Iżvilupp Reġjonali Ewropew, daħal fl-aħħar fażi tiegħu hekk kif beda jingħata l-ewwel saff ta’ tarmak fuq medda ta’ 600 metru minn din it-triq. 

Waqt żjara li għamel fuq il-lant tax-xogħol dal-għodu, il-Ministru għall-Iżvilupp Urban u Toroq, l-Onor. Jesmond Mugliett, iddeskriva dan il-proġett bħala eżempju ċar ta’ kif xogħlijiet fuq skala daqshekk kbira għal pajjiżna għandhom jiġu mmaniġġjati. 

“Dan il-proġett kiber sostanzjalment minn meta nbeda b’żieda ta’ servizzi ġodda - fosthom maintad-drenaġġ ġdid li jgħaqqad il-qasam industrijali ta’ Ħal Far ma’ Bengħisa u l-Freeport. Minkejja dan u sfidi oħra li tfaċċaw mal-milja tax-xogħol, kollox jindika li dan il-proġett għandu jitlesta qabel it-terminu li jistipula l-kuntratt u mal-mira ta’ Novembru din is-sena, li konna ntrabatna biha meta beda x-xogħol fuq dan il-proġett lejn tmiem Novembru s-sena l-oħra,” qal il-Ministru. 

Il-proġett tal-bini mill-ġdid tat-Triq ta’ Ħal Far hija l-eżekuzzjoni ta’ l-aħħar fażi ta’ programm fit-tul li inbeda xi snin ilu biex tinbena r-rotta ta’ toroq li tgħaqqad l-Ajruport Internazzjonali ta’ Malta mal-Freeport ta’ Birżebbuġia. Ix-xogħol jinvolvi l-bini mill-ġdid ta’ 3 kilometri ta’ triq skond il-Klassi Numru 1 tal-istandards ta’ kostruzzjoni tat-toroq ta’ l-Awtorità dwar it-Trasport. Dan ifisser li t-triq tiflaħ iġġorr madwar 10 miljun vettura tqila tul id-design life tagħha. Għal dan il-proġett hemm allokati €4.7 miljuni li 75% minnhom ser ikunu iffinanzjati mill-Unjoni Ewropea. 

Diversi sezzjonijiet minn din it-triq fil-fatt jinsabu lesti biex jieħdu l-ewwel saff ta’ tarmak, jiġifieri l-base course. Hekk kif jitlesta t-tarmak fuq din l-ewwel medda, bejn il-barracks ta’ Ħal Far u l-junction ma’ Triq tal-Ġebel viċin l-Employment and Training Corporation, il-ġimgħa d-dieħla ser ikun qed jingħata t-tarmak fuq medda oħra ta’ 900 metru bejn nofs it-tul tat-triq u l-junction mat-triq ta’ Għar Ħasan. 

Ix-xogħol fuq is-servizzi huwa komplut għal kollox bl-eċċezzjoni ta’ parti ta’ 700 metru mill-main tad-drenaġġ il-ġdid. Fil-fatt, it-triq kollha minbarra l-parti bejn il-junction mat-triq ta’ Għar Ħasan u l-Freeport hija fi stadju avvanzat ta’ tlestija u ffurmata. 

Il-Ministru għall-Iżvilupp Urban u Toroq qal il-proġett ta’ Ħal Far huwa wieħed mill-ewwel proġetti tat-toroq iffinanzjati mill-Unjoni Ewropea li bdew resqin sew lejn it-tlestija tagħhom. Huwa fakkar li x-xogħol fuq Vjal l-Avjazzjoni Ċivili ukoll daħal fl-aħħar fażi tiegħu u bħal daż-żmien xahar, it-triq tkun diġà nfetħet għat-traffiku. 

“Bit-tlestija ta’ dawn iż-żewġ proġetti fit-tramuntana ta’ pajjiżna, ser ikollna rotta sħiħa ta’ kwazi 9 kilometri li jkunu ta’ livell għoli li wieħed jistenna li jsib f’pajjiż modern Ewropew. Dawn jissarfu f’madwar 18 fil-mija tat-toroq li huma inklużi fit-TEN-T network ta’ l-Unjoni Ewropea,” qal il-Ministru. 

Il-Ministru Mugliett żied jgħid li huwa l-ħsieb tal-Ministeru li l-parti ta’ din ir-rotta bejn l-ajruport u l-barracks ta’ Ħal Far li kienet inbniet lejn tmiem is-snin 90 tiddaħħal fl-iskema tal-landscaping li ser tiġi implimentata f’dawn il-partijiet il-ġodda. 

“Bl-esperjenza li ksibna minn xogħlijiet bħal dan li qed naraw illum, jien konvint li nkunu kapaċi nibdew nużaw il-fondi mill-Perjodu Finanzjarju l-ġdid sa minn meta dawn jkunu disponibbli f’Jannar li ġej,” temm jgħid il-Ministru għall-Iżvilupp Urban u Toroq. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow