EMENDA KOSTITUZZJONALI SABIEX IL-KARIGA TA’ L-OMBUDSMAN TIĠI MDAĦĦLA FIL-KOSTITUZZJONI TA’ MALTA
L-Aġent Prim Ministru u Ministru tal-Ġustizzja u l-Intern Tonio Borg ippubblika l-emenda kostituzzjonali, li ntbagħtet lill-Oppożizzjoni f’Jannar 2006, li biha l-kariga ta’ Ombudsman tiġi ntrodotta fil-Kostituzzjoni.
L-Aġent Prim Ministru ppubblika din l-emenda waqt Konferenza Stampa dalgħodu. L-emenda ddaħħal fil-Kostituzzjoni l-kariga ta’ Ombudsman u tiddeskrivi b’mod ġenerali l-funzjonijiet attwali tiegħu.
Bis-saħħa ta’ din l-emenda qed jiġi wkoll propost illi biex titneħħa l-kariga ta’ Ombudsman, ikun hemm bżonn ta’ maġġoranza ta’ żewġ terzi tad-Deputati Parlamentari, u b’hekk din l-emenda tiġi “entrenched” fil-Kostituzzjoni, jiġifieri biex tinbidel trid maġġoranza kwalifikata ta’ żewġ terzi.
Seba’ xhur wara li din l-emenda ġiet mgħoddija lill-Oppożizzjoni, il-Gvern ma rċieva ebda risposta jew reazzjoni.
Sabiex din l-emenda tgħaddi trid il-kunsens ukoll ta’ l-Oppożizzjoni, għax teħtieġ l-approvazzjoni ta’ żewġ terzi tad-Deputati Parlamentari.
Il-Gvern għalhekk appella lill-Oppożizzjoni biex tesprimi r-reazzjoni tagħha għal din l-emenda; iktar u iktar meta wieħed iqis illi xi Deputati Laburisti fil-Parlament kienu qablu mar-Rapport ta’ l-Ombudsman li kien irrakomanda li din l-emenda ssir.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958