Left arrow Go Back

51 APPRENTIST U 40 SID TA’ NEGOZJU JIPPARTEĊIPAW FI PROĠETT TA’ LEONARDO DA VINCI

PR1168
Date Icon 21/08/2006

Is-Segretarjat Parlamentari għan-Negozji Żgħar u s-Self Employed, flimkien mal-Korporazzjoni ta’ l-Impiegi u Taħrig (ETC) u l-MCAST qegħdin jimplimentaw proġett ta’ Leonardo da Vinci li jgib l-isem ‘From a Student in Apprenticeship to an Entrepreneur’.  F’dan il-progett mistennija jippartecipaw apprendisti tal-MCAST li qegħdin jaħdmu ma’ diversi negozji żgħar fosthom electricians, hairdressers, mechanics, plumbers, panel beaters, mastrudaxxi, welders, printers, tiswija ta’ air conditioners, draughtsmen, u technicians.

Dan il-progett ser jagħti ċ-ċans lil studenti Maltin sabiex imorru barra minn Malta għal tliet gimgħat biex jieħdu esperjenza ta’ xogħol f’kumpaniji u industriji varji.  Barra milli l-istudenti ser ikunu jistgħu jiżviluppaw il-kapaċitajiet tagħhom bħala ħaddiema, dan il-proġett ser ikun qed jagħtihom ukoll iċ-ċans li jsiru jafu aktar lilhom nfushom, u jrawmu mentalita’ imprenditorjali b’perspettiva differenti lejn ix-xogħol u lejn is-self employment.

Is-Segretarju Parlamentari għan-Negozji Żgħar u s-Self Employed, l-Onor. Edwin Vassallo, waqt it-tnedija ta’ dan il-proġett qal li  “quddiemi llum hawn eżempju ta’ negozji żgħar li l-Gvern jixtieq jara ħafna aktar bħalhom.  Dawn huma eżempju ta’ best practice għal negozji żgħar oħra bħalhom għall-mod ta’ kif dawn qed jipparteċipaw fis-suċċess ta’ dan il-pajjiż.  Dan għaliex għandna, l-ewwel nett, eżempju ta’ negozjanti li qed jemmnu u jħaddmu apprendisti għall-gid tan-negozju tagħhom.  Imbagħad għandna lil dawn l-istess negozji joffru lilhom infushom disponibbli sabiex jipparteċipaw fi proġetti finanzjati mill-Unjoni Ewropea.  B’dan il-mod aħna nistgħu nirbħu aktar proġetti bħal dan li qed inħabbru llum lejn Malta u b’hekk ngħinu lil dawn in-negozji żgħar jiżviluppaw.”

Huwa sinifikattiv li kemm l-ETC u l-MCAST qegħdin jaħdmu flimkien mas-Segretarjat Parlamentari għan-Negozji Żgħar u s-Self Employed f’din l-inizjattiva, xhieda ta’ kemm il-Gvern qiegħed jaħdem flimkien ma’ diversi Ministeri, Dipartimenti u Awtoritajiet oħra sabiex ikunu disponibbli diversi opportunitajiet u għajnuniet għan-negozji żgħar u s-self employed f’pajjiżna.

Iċ-Chairman ta’ l-ETC, is-Sur Michael Balzan, qal li “preżentament hawn aktar minn 800 zagħzugħ u zagħzugħa li qegħdin jakkwistaw taħriġ fid-dinja tax-xogħol permezz ta’ l-apprendistat.  Il-Korporazzjoni qed tagħmel l-almu tagħha biex dan in-numru jiżdied u fil-fatt qiegħda preżentament tipproċessa madwar 400 applikazzjoni ġdida ta’ żgħażagħ li huma interessati li jkunu apprendisti.  Il-biċċa l-kbira ta’ l-apprendisti qed jiġu mħarrġa minn ħaddiema fis-settur privat.  Il-Korporazzjoni hija kontinwament impenjata biex tassigura li t-tranżizzjoni bejn il-bank ta’ l-iskola u d-dinja tax-xogħol tkun waħda bla xkiel.  Fil-ġranet li ġejjin il-Korporazzjoni ser tkun qiegħda tqassam ‘il fuq minn 200 ċertifikat lil żgħażagħ li temmew b’suċċess l-apprentistat tagħhom is-sena l-oħra.”

Min-naħa tiegħu, il-President tal-Bord tal-Gvernaturi tal-MCAST, is-Sur Paul Attard, qal li ”l-MCAST qed jagħti mportanza mistħoqqa lill-imprenditorija fil-korsijiet li joffri biex l-istudenti, sa minn eta` bikrija, jibdew jikkonsidraw ukoll il-possibilta` li jiftħu negozju, jagħmlu prodott jew joffru servizz għal rashom u b'hekk ikunu qed joħolqu x-xogħol għalihom nfushom u jikkontribwixxu, anke jekk bi ftit, għall-ekonomija tal-pajjiz.  F'dan il-qasam l-MCAST qed jaħdem mill-qrib mas-Segretarjat Parlamentari għan-Negozji Żgħar u s-Self-Employed.

“Din l-inizjattiva hi opportunita` tajba ħafna ghal 51 student mill-MCAST li qed jieħdu sehem fil-Programm Leondardo da Vinci u ser isiefru għal tliet gimgħat biex jesperjenzaw inizjattivi ta' imprenditorija.  L-MCAST jagħti importanza kbira lid-dimensjoni Ewropea fl-edukazzjoni u t-taħrig.  L-esperjenza li dawn l-istudenti qed jieħdu mill-apprentistat ser tkun ta' gid kbir għalihom, mhux biss waqt il-kors tagħhom fl-MCAST, iżda wkoll meta joħorgu jaħdmu.  L-MCAST lest li jaħdem ma' diversi entitajiet oħra fl-aħjar interess ta' l-istudenti u tal-pajjiż.”

Fi tmiem tal-konferenza, l-Onor. Edwin Vassallo qal li “b’kollaborazzjoni bejn id-Dipartimenti tal-Gvern, il-ħidma tagħna llum qed tkun aktar effettiva għas-suċċess u l-iżvilupp tan-negozju f’pajjiżna, minkejja id-dell ikrah li wħud qed jippruvaw jitfgħu lil dawn in-negozji fih.  Il-Gvern qiegħed jinvesti ukoll fit-tul fl-istudenti tagħna sabiex dawn ikabbru l-potenzjal tagħhom u jsiru aktar assertivi u jkunu ħaddiema aktar effiċjenti fuq xogħolhom u kompetittivi meta mqabbla ma’ pajjiżi oħra.  Dan huwa l-impenn ta’ l-Unjoni Ewropea u ta’ dan il-pajjiz.”

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow