SEGRETARJA STAMPA ĠDIDA FL-UFFIĊĊJU TAL-PRIM MINISTRU
L-Uffiċċju tal-Prim Ministru appunta lil Ms Josephine Vassallo bħala Segretarja Stampa u Komunikazzjoni. Ms Vassallo għandha esperjenza vasta fis-setturi tal-komunikazzjoni, u matul l-aħħar erbgħa snin mexxiet l-uffiċċju tal-Malta Enterprise f’Pariġi.
Qabel Pariġi, Ms Vassallo mexxiet għal ħames snin it-Taqsima tas-Sales and Marketing ta’ l-iStandard Publications Ltd., wara li bdiet il-karriera tagħha f’dan il-qasam ma’ Associated News Ltd.
Matul l-erbgħa snin f’Pariġi, Ms Vassallo kienet responsabbli li tattira investiment barrani, tippromwovi l-kummerċ u li toħloq portafoll ta’ klijenti. Bħala parti mix-xogħol tagħha, hi organizzat diversi żjarat kemm lejn Malta kif ukoll ‘l barra minn Malta għal uffiċjali tal-Gvern, persuni interessati li jinvestu f’Malta, ġurnalisti minn fost l-aktar media importanti Franċiża, attivitajiet biex tippromwovi prodotti lokali, missjonijiet ta’ kummerċ, kif ukoll għenet esportaturi Maltin biex jidħlu fis-suq Franċiż.
Ms Vassallo preżentement qed tistudja r-Relazzjonijiet Internazzjonali u d-Diplomazija fis-Centre d'Etudes Diplomatiques et Strategiques, Pariġi.
Ms Vassallo ser tibda tokkupa din il-kariga mill-1 ta’ Settembru 2006.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958