Left arrow Go Back

L-ATTIVITA' ANNUALI TAT-TBERIK TAR-RIMJI TAL-LAMPUKI

PR1147
Date Icon 10/08/2006

"Dan il-gvern qed jagħmel ħiltu kollha biex jgħin lis-sajjieda Maltin u Għawdxin kif ukoll l-industrija tas-sajd ħalli jkunu jistgħu jikkompetu u jkomplu jagħtuna mhux biss l-identita' tagħna ta' pajjiż Mediterranju u Ewropew imma ukoll il-prodott ta' ħut frisk li aħna mdorrijin bih".

Dan qalu s-Segretarju Parlamentari responsabli għall-Biedja u Sajd Dr Francis Agius meta kien qed jattendi għall-attivita' annuali tat-tberik tar-rimji tal-lampuki.

Dr Agius spjega li dan it-tip ta’ sajd huwa meqjus bħala importanti ħafna għal għixien tas-sajjieda Maltin u Għawdxin billi f’ċerti snin, jew kien l-akbar qabda jew inkella t-tieni l-akbar qabda wara l-qbid tal-pixxispad u t-tonn. Dan is-sajd għall-lampuki flimkien mas-sajd għat-tonn u pixxispad jifforma s-sinsla tas-settur tas-sajd Malti u Għawdxi.

Matul l-aħħar ħames snin kellna 2,077,087 Kg ta' Lampuki maqbuda li dawn bejniethom kellhom il-valur ta' LM1,860,143.

Dr Agius spjega kif din is-sena, mill-130 rimja li kellna għad-dispożizzjoni tas-sajjieda tagħna f’10 distretti mqassma madwar Malta u Għawdex, il-Fergħa tas-Sajd qdiet lil kull applikant li kellna nkluża l-għaqda tad-Dilettanti ta' Buġibba. L-applikazzjonijiet din is-sena kienu 113.

Dan il-Ministeru qed jagħmel ħiltu biex ikompli jgħin lis-sajjieda Maltin u Għawdxin kontinwament qal Dr Agius. Dan qed jagħmlu permezz ta' twaħħil ta’ parati u xogħlijiet zgħar ta’ manutenzjoni fis-slipways.

L-assistenza finanzjarja sabiex is-sajjieda jkollhom aktar sigurtà fuq il-post tax-xogħol u biex ikollhom aktar suċċess fil-kompetizzjoni mas-sajjieda barranin s’issa mill-2003 swiet kważi Lm1,800,000. S’issa ġew konklużi mal-117-il kuntratt waqt li xi 81 oħra qed jistennew il-kuntratt. S’intendi għad baqa’ min jinqeda. Saret talba għall-pagamenti ta’ Lm160,000 biex jingħalqu numru iehor ta’ kuntratti u wara dawn mistenni li joħorgu aktar pagamenti fuq kuntratti oħra. Dr Agius kompla billi spjega l-għajnuna finanzjarja li ngħatat lil dan is-settur. Hu spjega kif għajnuniet oħra ngħataw permess tal-FIFG (Istrument Finanzjarju għall-Gwida tas-Sajd). Fit-tiġdid (renewal) tal-flotta kien hemm applikazzjoni waħda li ġiet moqdija. Is-somma nvoluta hi ta’ madwar Lm83,263 li 80% minnha diġà ġiet imħallsa.

Għall-immodernizzar tal-flotta kien hemm 10 applikazzjonijiet li minnhom kien hemm 8 eleġibbli. Tlieta minn dawn huma lesti u qed jistennew li jitħallsu, waqt li l-oħrajn qed jiġu spezzjonati x-xogħlijiet tagħhom. Dawn it-tmien proġetti ser jiswew qrib il-Lm67,000.

Intqal ukoll kif fl-Adjustment tal-Fishing Effort kien hemm 10 applikazzjonijiet li minnhom 3 kienu eleġibbli. Wieħed minnhom lest u tħallas, l-ieħor sar il-kuntratt u għaddej il-proċess tal-pagament u l-proġett l-ieħor għadu taħt proċess. Dan il-proġett sewa Lm219,000.

It-total ta’ għajnuniet għall-Flotta jlaħħaq madwar Lm368,000.

Dr Agius qal li kien hemm ukoll għajnuniet għall-Industrija tas-Sajd u l-ipproċessar. Ġie spjegat kif l-akkwakultura bbenefikat minn proġett ta’ Lm53,000. Dan il-proġett jikkonsisti f’tagħmir ta’ gaġġeġ u sistema ta’ sorveljanza ambjentali.

L-industrija tas-sajd fejn jidħol ipproċessar u swieq ibbenefikat minn 3 proġetti ta’ Lm211,000. Dawn il-proġetti huma intiżi biex iżiedu l-valur miżjud tal-produzzjoni tas-sajd. Wieħed minn dawn il-proġetti kien tal-Għaqda Koperattiva tas-Sajd Ltd. Dawn il-proġetti għandhom l-iskop li jtejbu l-prodott għall-benefiċċju tal-konsumatur, ikompli jgħolli l-livell ta’ kwalità u iġjene u f’okkażjonijiet iżied id-diversivita’ tal-prodott.

It-total ta’ dawn iż-żewġ Proġetti jammontaw għal Lm263,000.

Dr Agius qal li l-Proġett ta’ Faċilitajiet għall-Port tas-Sajjieda qiegħed fi stadju avanżat fejn jidħlu t-tenders u qal li kif ikunu konklużi t-tenders kellu jibda x-xogħol meħtieġ.

Dan il-proġett se jgħin kemm lis-sajjieda kif ukoll lill-Industrija tas-Sajd biex tiżdied l-effiċjenza fuq l-operazzjonijiet konnessi mas-sajd u jipprovdi benefiċċji lis-sajjieda fejn tidħol manutenzjoni tal-bastimenti tas-sajd tagħhom.

Dan il-proġett ser jiġi jiswa madwar 2 miljun Euros.

L-ispiża kollha għal dan is-settur se tilħaq Lm1,270,000 temm jgħid Dr Agius. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow