Left arrow Mur Lura

L-EWWEL LAQGĦA FIS-SENSIELA “IL-MINISTRU FOSTKOM”

PR1122
Date Icon 04/08/2006

L-ewwel laqgħa tal-Onor. Dolores Cristina mal-pubbliku fis-sensiela “Il-Ministru fostkom” seħħet illum, il-Ġimgħa 4 ta’ Awissu fiċ-Ċentru Aċċess, fil-Kottonera.


L-għan ewlieni ta’ dawn il-laqgħat huwa li l-Ministru Cristina żżur personalment diversi bliet u rħula biex tiltaqa’ mal-pubbliku fil-lokalità tagħhom stess, f’ambjent fejn huma jħossuhom komdi.

Il-Ministru Cristina sostniet li l-Ministeru tal-Familja u Solidarjetà Soċjali huwa wieħed viċin in-nies proprju għaliex huwa Ministeru li jaħdem tant qrib il-ħajja ta' kuljum tal-poplu Malti. "Huwa għalhekk li jiena xtaqt inniedi din is-sensiela ta' laqgħat fost il-Maltin u Għawdxin għaliex nemmen li huwa ferm importanti li kulħadd isir jaf aktar mill-viċin ix-xogħol tagħna kif ukoll ikollu l-opportunità jesprimi ruħu miegħi u ma' l-istaff tal-Customer Care f'ambjent familjari għalih." Il-Ministru wriet sodisfazzjon bil-mod kif in-nies laqgħu din l-inizjattiva. "Nixtieq nesprimi wkoll li l-interess f'din l-ewwel laqgħa kkonferma li x-xogħol li nagħmlu huwa apprezzat u fdat. Jidhirli li l-Maltin u Għawdxin għarfu l-valur ta' din is-sensiela ta' laqgħat."

Il-Ministru Cristina u l-istaff tal-Customer Care ltaqgħu ma’ ’l fuq minn għoxrin persuna mill-inħawi tal-Kottonera. Deher ċar mill-ħafna telefonati li waslu fl-uffiċcju tal-Customer Care li din l-inizjattiva ntlaqgħet b’mod pożittiv għall-aħħar. Għalkemm din l-ewwel laqgħa kienet esklussivament għan-nies mill-inħawi tal-Kottonera, kienu bosta n-nies minn diversi lokalitajiet madwar Malta li ċemplu biex jiltaqgħu mal-Ministru.

Fil-fatt, kull min ċempel kien avżat li se jingħata appuntament fil-futur meta titħabbar id-data tal-laqgħa fil-lokalità rispettiva.

It-tieni laqgħa ser issir f’Settembru f’Birkirkara. Id-data u l-post jitħabbru aktar ’l quddiem.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow