Left arrow Mur Lura

TAGĦLIM U DIVERTIMENT WAQT SKOLA SAJF

PR1118
Date Icon 03/08/2006

Bħalissa eluf ta’ studenti qed jattendu skola sajf fejn permezz ta’ programm edukattiv qed jitgħallmu waqt li jiddevertu matul ix-xhur tas-sajf. Is-Segretarju Permanenti tal-Ministeru ta’ l-Edukazzjoni s-Sur Frans Borg dalgħodu żar l-iskola primarja ta’ Ħal Kirkop fi ħdan il-Kulleġġ San Benedittu. Is-Sur Borg iltaqa’ ma’ tfal minn erba’ skejjel differenti li dalgħodu kienu qed jipparteċipaw fi Quiz dwar it-Tazza tad-Dinja ta’ din is-sena u li qed isir bejn l-iskejjel primarji.

Il-Quiz, li hu inizjattiva ġdida, qed isir bl-għajnuna tal-Meridian Enterprise Company Ltd, aġent tal-Karozzi Hyundai – sponsor ewlieni tat-Tazza tad-Dinja. Fil-Quiz ħadu sehem 43 ċentru ta’ Skolasajf, 11 f’Għawdex u 32 f’Malta. Illum dan il-quiz daħal fl-aħħar fażijiet biex għada ssir is-semi finali u nhar it-Tnejn isiru l-finali.

Is-Sur Borg qal li dan il-quiz jirrifletti l-ispirtu ta’ skolasajf fejn l-istudenti jitgħallmu waqt li jieħdu gost u jieħdu gost waqt li jitgħallmu. Hu qal li l-iskola ta’ Ħal Kirkop qed tgħix esperjenza ġdida bħala parti mill-Kulleġġ San Benedittu. Fis-sena li għaddiet l-iskejjel primarji ta’ Ħal Safi, Ħal Għaxaq, Birżebbuġa, tal-Gudja, ta’ l-Imqabba, tal-Qrendi u taż-Żurrieq ingħaqdu f’kulleġġ wieħed flimkien ma’ l-iskola sekondarja tas-subien li tinsab f’Ħal Kirkop stess. Eventwalment irid ikun hemm skola sekondarja oħra li fiha tilqa’ t-tfajliet kollha minn dawn l-iskejjel primarji biex b’hekk il-kulleġġ ikun sħiħ. Is-Sur Borg qal li l-esperjenza ta’ l-ewwel sena kienet pożittiva ħafna u qarrbet lill-iskejjel aktar lejn xulxin. Hu awgura li hekk kif nidħlu fit-tieni sena ta’ din l-esperjenza l-istudenti kollha ta’ dan il-kulleġġ u tal-kulleġġi l-oħrajn iħossuhom kburin mhux biss li huma parti mill-iskola primarja tal-belt jew raħal tagħhom iżda wkoll kburin li huma parti mill-kulleġġ. Is-Sur Borg temm jawgura lit-timijiet preżenti biex filwaqt li jagħmlu l-almu tagħhom biex jagħmlu suċċess, igawdu ż-żmien li jqattgħu ma’ sħabhom waqt Skolasajf.

Din is-sena, Skola Sajf bdiet fit-18 ta’ Lulju u madwar 4,000 tifel u tifla qed jipparteċipaw fid-diversi skejjel primarji madwar Malta u Għawdex u fl-iskejjel speċjali. Qed isir ukoll programm imsejjaħ Klabb Sajf li hu intiż għal tfal li waqt is-sena skolastika jirċievu l-edukazzjoni kumplimentari biex jingħataw appoġġ edukattiv li jgħinhom jimxu ‘l quddiem fl-edukazzjoni tagħhom. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow