TWEĠIBA GĦALL-ITTRA TAL-KUMITAT TAL-ĠURNALISTI U L-ISTQARRIJA TA’ L-ISTITUT TAL-ĠURNALISTI MALTIN
L-Uffiċċju tal-Prim Ministru jirreferi għall-ittra tal-Kumitat tal-Ġurnalisti u l-istqarrija ta’ l-Istitut tal-Ġurnalisti Maltin, dwar talbiet li saru mill-media sabiex jingħataw aċċess biex isegwu l-każ ta’ l-immigranti rregolari fuq trawler Spanjol ‘il barra mill-ibħra Maltin.
Il-fatt huwa li numru ta’ kmamar ta’ l-aħbarijiet, aġenziji ta’ l-aħbarijiet u ġurnalisti, għamlu talbiet sabiex ikunu jistgħu jitwasslu mill-Armata ħdejn it-trawler. Kien loġistikament impossibli li jiġu milqugħa t-talbiet kollha u allura ġie deċiż li l-istazzjon nazzjonali, li għandu obbligi u rwol partikolari, jiġi aċċettat li jsegwi l-każ. Apparti dan, ritratti tal-każ ġew mgħoddija mill-Armata lill-media kollha. Huwa diffiċli li wieħed jifhem kif b’hekk, l-Uffiċċju tal-Prim Ministru kien qed jittratta l-media b’mod inegwali.
L-Uffiċċju tal-Prim Ministru lest jilqa’ suġġerimenti kif, f’ċirkostanzi bħal dawn, ikun żgurat l-aħjar aċċess għall-media.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958