Left arrow Go Back

IL-BINI TA’ BELVEDER FUQ WIED BABU, LIMITI TA’ WIED IŻ-ŻURRIEQ

PR1001
Date Icon 04/07/2006

Ix-xogħlijiet waslu lejn l-aħħar sabiex il-proġett jintemm
qabel l-aħħar tas-Sajf 2006

In-nofs-in-nhar tal-pajjiż qed jingħata l-attenzjoni meħtieġa u dan b’mod partikolari bl-investiment li sar fl-aħħar tlett snin. Ix-xogħlijiet ivarjaw minn tisbieħ f’żoni turistiċi, għal rijabilitazzjoni taċ-ċentri tad-diversi rħula, għal tisbiħ ta’ ġonna u żoni ta’ rikreazzjoni u għal restawr ta’ diversi kapelli. Ix-xogħol li qed isir fuq il-belveder ta’ Wied Babu jkompli juri b’mod konkret u viżibli l-politika tal-Gvern preżenti fin-nofsinhar tal-pajjiż. Dan qalu l-Ministru Ninu Zammit meta kien qed iżur l-aħħar fażi ta’ xogħlijiet fuq il-bini ta’ Belveder f’Wied Babu. 

Il-Ministru kompla billi qal li x-xogħol jikkonsisti f’ bini ta’ belveder ta’ seba mija u ħamsin metru tul b’wisa ta’ kważi erba’ metri li jagħti fuq Wied Babu, limiti ta’ Wied iż-Żurrieq. Dan ħa post bankina dejqa u perikoluża. Dan il-Belveder ser jitgawda kemm mill-bosta residenti li joqgħodu fl-irħula tal-madwar kif ukoll minn ħafna turisti li jżuru l-post pittoresk ta’ Wied iz-Zurrieq kif ukoll it-Tempji ta’ Hagar Qim u l-Imnajdra. Il-materjal li ġie imħammel minn fuq il-post, sabiex setgħu jinbnew il-pedamenti tal-promenade, ġie magħżul biex mill-ġebel li inġabar inbnew ħitan tas-sejjieħ u il-ħamrija ġiet utiliżżata biex tiġi msebbħa il-bankina faċċata ta’ dan il-Belveder. Tpoġġew ‘l fuq minn 1,000 vaża tal-ġebel tal-franka u 8,000 kantun biex iservu kemm bħala pedament ta’ dan il-Belveder kif wkoll ta’ lqugħ għat-triq eżistenti. Il-Ministru spjega li, sabiex l-estetika ta’ dan il-proġett tkun kumplimentari mal-karatteristici ta’ Wied Babu, dawn il-vażi ġew miksija b’madwar 1,800 metru kwadru ta’ ħitan tas-sejjiegħ minn ġebel li ġie miġbur minn fuq il-post waqt il-proċess ta’ taħmil.  

L-ispazju li inħoloq bejn il-pedamenti tal-Belveder u t-triq eżistenti qed iservi bħala mina biex minn ġo fiha jiġu mgħoddija diversi servizzi, fosthom dawl u ilma li ser jiġu utiliżżati kemm bħala parti minn aċċessorji relatati mal-proġett kif wkoll għall bżonnijiet oħra li jista jkun hemm fil-futur.

Waqt iż-żjara tiegħu fuq il-post il-Ministru Zammit qal li dan il-Belveder ġie msebbaħ billi mat-tul tiegħu kollu qed jinbnew pilastri tal-ġebel tal-franka fuq stil rustiku li fihom ser jittpoġġew planters bil-fjuri ħalli b’hekk dan il-Belveder jkompli jintegra ruħu mal-karatteristiċi rurali tal-madwar. Dawn il-planters ser jiġu msaqqija b’ sistema ta’ drip irrigation imqabbda ma’ sistema ta’ l-ilma miġbur f’ġibjuni zgħar li se jilqgħu l-ilma tax-xita. S’issa minn dawn il-pilastri inbnew il-fuq minn sittin wieħed. 

Il-formazzjoni tal-promenade kienet tikkonsisti wkoll fi tqegħid ta’ ‘l fuq minn 800 metru ta’ kurduna ġdida rinfurzata b’sodda tal-konkos. Il-wiċċ tal-promenade qed jiġi iċċangat b’madum tal-franka mżewwaq b’madum tal-porfido u  s’issa ġie iċċangat b’1,200 metru kwadru ta’ ċangatura tal-franka kif wkoll b’ tul ta’ 350 metru madum tal-porfido bħala burduri ma’ l-iċċangar tal-franka.  

Il-Ministru spjega li ma dan kollu, qed jiġu nstallati railings tal-ħadid iggalvanizzat flimkien ma’ puġġamani ta’ l-injam, li ġew kollha manifatturati u nstallati mill-ħaddiema fi ħdan il-Ministeru, biex iservu ta’ lqugħ bejn pilastru w ieħor. Biex jitnaqqas il-light pollution mal-madwar ta’ dan il-proġett, il-ħaddiema tal-Ministeru qed jinstallaw dwal tat-tip recessed lighting mal-pilastri tal-ġebel li qed jinbnew.  

Il-Ministru tar-Rizorsi u Infrastruttura tenna li hu pprogrammat li dan il-Belveder jitkompla sa Hagar Qim u fil-fatt bħalissa qed jiġu ffinaliżżati l-pjanti u l-permessi meħtiega ħalli x’ħin jintemm ix-xogħol fuq l-ewwel parti tkun tista tibda t-tieni fażi li tkopri minn Wied iż-Zurrieq sa Hagar Qim.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow