IL-QORTI SUPREMA TA’ ĠIBILTA` TEVALWA S-SISTEMA KOMPUTERIZZATA WŻATA FIL-QRATI F’MALTA
Wara ż-żjara li għamel f’Malta l-Prim Imhallef ta’ Ġibilta`, Derek Schofield, f’Settembru tas-sena l-oħra bħala l-mistieden tal-Prim Imħallef Vincent Degaetano, intwera interess mill-Amministrazzjoni tal-Qrati ta’ Ġibilta` fis-sistema komputerizzata wzata fil-Qrati f’Malta u magħrufa bħala Legal Case Management System (LECAM).
Bħalissa hawn Malta delegazzjoni minn dawk il-Qrati, immexxija mir-Reġistratur tal-Qorti Suprema ta’ Ġibilta`, biex tara jekk din is-sistema tistax tigi utilizzata fil-Qrati ta’ dak il-pajjiż. Is-sistema fis-seħħ bħalissa ilha tiġi mħaddma fil-Qrati ta’ Malta sa minn Marzu tas-sena 2000 u ħadet post sistemi preċedenti li ma baqgħux ilaħħqu mal-ħtiġijiet dejjem jiżdiedu tal-Qrati u ta’ min jagħmel użu minnhom. Partijiet sostanzjali tas-sistema huma aċċessibbli wkoll għall-pubbliku fuq is-sit tal-internet www.mjha.gov.mt
Id-delegazzjoni minn Ġibilta` kellha laqgħat fit-tul mal-Malta Information Technology and Training Services Ltd (MITTS) dwar aspetti tekniċi tas-sistema, kif ukoll mad-Direttur Ġenerali tal-Qrati u uffiċjali oħra għolja tal-Amministrazzjoni tal-Qrati f’Malta.
Id-delegazzjoni ltaqghet ukoll mal-Prim Imhallef Vincent De Gaetano.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958