IL-MINISTERU GĦAT-TURIŻMU U L-KULTURA JSELLEM LIL Frans Baldacchino ‘Il-Budaj’ (1943-2006)
Il-Ministru għat-Turiżmu u Kultura Francis Zammit Dimech jixtieq juri s-sobgħa tiegħu għall-mewt ta’ Frans Baldacchino ‘Il-Budaj’ li kien wieħed fost l-aqwa għannejja ta’ pajjiżna.
Il-Ministru għat-Turiżmu u Kultura qal li Frans Baldacchino ‘Il-Budaj’ bilfors li jħalli vojt kbir fil-qasam tal-kultura popolari Maltija għax irnexxielu jlaqqa’ l-għana Malti mal-livelli kollha tas-soċjetà f’Malta u anki barra minn Malta.
Filwaqt li kien influwenzat mill-għannejja ta’ qablu, hu daħħal ukoll fehmietu fil-preżentazzjonijiet tiegħu bis-saħħa tal-qari estensiv tiegħu tal-letteratura romantika Maltija u ta’ awturi barranin.
L-ispirtu pront kien iħobbu wkoll u baqa’ jgħannih ma’ sħabu l-għannejja.
Flimkien ma’ għannejja oħra magħrufa bħal Fredu Abela ‘il-Bamboċċu’, Leli Azzopardi ‘il-Bugazz’, Pawlu Degabriele ‘il-Bies’, Pawlu Seychell ‘l-Għannej’, Fredu Spiteri ‘tal-Pitrolju’, Ċikku Degiorgio ‘tal-Fjuri’, u Zeppi Meli ‘ta’ Sika’, Frans Baldacchino ‘il-Budaj’ se jibqa’ magħruf bħala wieħed mill-aqwa ilħna folkloristiċi Maltin li taw id-dinjità li jixraqlu lill-għana Malti.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958