Alex Borg Champion Ewropew tas-Snooker
Il-Ministru ta’ l-Edukazzjoni, Żgħażagħ u Xogħol illum iltaqa’ maċ-Champion Ewropew tas-Snooker Alex Borg fejn feraħlu għas-suċċess li għadu kemm kiseb fil-kampjonat Ewropew ta’ l-iSnooker li sar f’Costantia, ir-Rumanija.
F’din l-okkażjoni l-Ministru Galea ppreżenta għotja simbolika ta’ Lm500 lil Alex Borg b’rikonoxximent għas-suċċess li rnexxielu jikseb.
Fir-Rumanija Alex irnexxielu jiddefendi t-titlu Ewropew li rebaħ għall-ewwel darba s-sena li għaddiet fil-Polonja meta fil-finali tal-Kampjonat Ewropew ta’ l-iSnooker 2006 rebaħ kontra Jeff Cundy ta’ l-Ingilterra bl-iskor ta’ 7-5.
Borg rebaħ it-tnax-il logħba li kellu f’dan il-kampjonat u b’hekk rebaħ 24 partita konsekuttiva wara li s-sena li għaddiet ma kien tilef l-ebda partita.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958