Stqarrija mill-Ministeru tal-Ġustizzja u l-Intern dwar petizzjoni ppreżentata mill-ASKLM dwar il-kuntratti tas-Segretarji Eżekuttivi tal-Kunsilli Lokali
B’referenza ghall-petizzjoni ppreżentata llum mill-Assoċjazzjoni tas-Segretarji Eżekuttivi tal-Kunsilli Lokali (ASKLM), il-Ministeru tal-Ġustizzja u l-Intern jixtieq jgħid dan li gej.
Il-Ministeru jaqbel perfettament mal-ASKLM illi waqt li għaddej kuntratt ta’ impjieg ta’ Segretarju Eżekuttiv, dan ma jistax jitkeċċa mingħajr raġuni ġusta. Il-Ministru responsabbli mill-Kunsilli Lokali, l-Onor. Dr. Tonio Borg, diġa’ stqarr pubblikament li mhux se jippermetti t-tkeċċija ta’ Segretarji Eżekuttivi, sempliċement għax tinbidel il-maġġoranza politika f’Kunsill Lokali. Il-Ministru se juża l-poteri kollha li tagħtih il-liġi sabiex dan l-abbuż ma jseħħx.
Għandu jingħad ukoll li s-Segretarji Eżekuttivi m’humiex impjegati tal-Gvern, iżda tal-Kunsilli Lokali. Għaldaqstant, materji li jirrigwardaw it-tiġdid tal-kuntratt ta’ l-impjieg tas-Segretarji hija materja esklussiva tal-Kunsill Lokali.
Madankollu dan il-Gvern, permezz ta’ l-Avviż Legali 282/2005, kien ta poter lis-Segretarju Eżekuttiv, biex ħames xhur qabel ma jiskadi l-kuntratt tiegħu, jobbliga lill-Kunsill Lokali jiddiskuti t-tiġdid ta’ l-imsemmi kuntratt. B’hekk is-Segretarju jkun infurmat, minn ħames xhur qabel, jekk il-kuntratt tiegħu hux se jiġi mġedded jew le.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958