Left arrow Mur Lura

RIŻULTATI TA’ L-EŻAMI TAL-JUNIOR LYCEUM: JERĠGĦU JGĦADDU AKTAR MINN 60%

pr0940
Date Icon 21/06/2006

Għat-tieni sena konsekuttiva aktar minn 60% ta’ l-istudenti għaddew mill-eżami tal-Junior Lyceum.  Ir-riżultati ta’ din is-sena għad-dħul fil-Junior Lyceums għadu kif ħareġ illum u jkompli jikkonferma t-titjib ġenerali fuq is-snin l-imgħoddija.  Minn 3,968 studenti li qagħdu għall-eżami, 2,389 jiġifieri 60.2%, għaddew mill-eżami fil-ħames suġġetti. Is-sena li għaddiet, b’60.44% kien irreġistrat l-għola perċentwal ta’ studenti li qatt għaddew minn kemm ilu jsir l-eżami tal-Junior Lyceum.

Ir-riżultat jirrappreżenta qabża ta’ għaxar punti perċentwali (+10%) fuq ir-riżultati ta’ l-1999.  Din is-sena għaddew 1296 (59.37%) tifel u 1093 (61.23%) tifla.   

Tajjeb li  wieħed ifakkar li, wara li reġgħu twaqqfu l-Junior Lyceums, fl-1982 qagħdu għall-ezami 5,270 tifel u tifla u għaddew biss 846 jew 16%.  Fl-1985 għaddew 32% filwaqt li fl-1986 għaddew 35%.  Fl-1992 għaddew 45%, fl-1995 għaddew 50%, fl-1998 għaddew 52%, fl-2002 54% u s-sena li għaddiet l-persentaġġ tela’ għal aktar minn 60% u żamm kostanti din is-sena.   

Għalkemm il-progress u l-ħiliet ta’ l-istudenti ma jitkejlux biss bir-riżultati ta’ dan l-eżami, m’hemmx dubju li dan hu ndikazzjoni oħra ċara tat-titjib li qed iseħħ kostantament f’kull livell fis-sistema edukattiva f’pajjiżna b’riżultati kwantifikabbli, anke fi tmiem l-edukazzjoni primarja.   

Il-Ministru Louis Galea fisser li filwaqt li jieħu gost li għat-tieni sena konsekuttiva inżamm persentaġġ ta’ 60% ta’ dawk li għaddew mill-eżami tal-Junior Lyceum,  jibqa` b’saqajh fl-art biex jiġi assigurat li tkompli x-xejra ta’ titjib minn sena għall-oħra li qabdet l-edukazzjoni fl-aħħar snin.  

Fil-fatt il-Ministru Galea fakkar li l-gvern qed iwettaq riforma fil-qasam edukattiv u qed jinseġ l-iskejjel f’Kulleġġi biex il-proċess edukattiv jitjieb u jkun aktar sħiħ u kontinwu.  Il-Ministru qal li bħalissa qed isir studju dwar l-eżamijiet tal-Junior Lyceum u eżamijiet oħra li jsiru mill-eta’ ta’ ħdax il-sena ‘l fuq. Ir-riżultati ta’ dan l-istudju għandhom ikunu ppreżentati s-sena d-dieħla u minn hemm tkun tista’ tibda l-ħidma biex dawn l-eżamijiet ikomplu jiżviluppaw.  Louis Galea qal li working group diġa’ beda jiltaqa’ ma’ numru kbir ta’ studenti li għamlu l-eżami din is-sena biex jara l-istudenti x’jaħsbu dwar dan l-eżami eventwalment iridu isiru laqgħat ma’ l-imsieħba kollha inkluż il-ġenituri u l-għalliema biex b’hekk tkun saret diskussjoni wiesgħa u l-working group ikollu firxa wiesgħa ta’ argumenti li fuqhom ikun jista jibbaża r-rakkomandazzjonijiet tiegħu. 

Il-Ministru Galea temm jgħid li hekk kif id-diversi bidliet u żviluppi li seħħew fl-aħħar snin tawna riżultati aħjar u titjib ġenerali fil-livell ta’ l-edukazzjoni fil-pajjiż, hekk ukoll hu mistenni li l-evoluzzjoni li qed issir bħalissa u li mistennija tkompli fis-snin li ġejjin tkompli ssaħħaħ is-sistema edukattiva biex aktar u aktar Maltin jilħqu livelli ogħla ta’ edukazzjoni u nnaqqsu jekk mhux ukoll inġibu fix-xejn  in-numru ta’ dawk li jaqgħu lura fl-edukazzjoni.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow