Left arrow Mur Lura

KAWŻA TA’ LIBELL KONTRA L-KAP TA’ L-OPPOŻIZZJONI LABURISTA

pr0913
Date Icon 17/06/2006

·     Il-Ministru Frendo se jgħaddi kwalunkwe’ danni likwidati mill-Qorti għall-promozzjoni tat-talent artistiku Malti

·     Il-Ministru Frendo jikkundanna bis-sħiħ kwalunkwe ksur tal-Liġi dwar il-Copyright, isir kif isir u jagħmilha min jagħmilha 

Il-Ministru ta’ l-Affarijiet Barranin Dr. Michael Frendo se jiftaħ kawża ta’ libell kontra l-Kap ta’ l-Oppożizzjoni Laburista, Dr Alfred Sant, dwar allegazzjonijiet foloz u malafamanti li għamel nhar il-Ħadd li għadda waqt diskors fil-Każin Laburista ta’ Ħal Qormi fil-preżenza tal-mezzi ta’ l-istampa u x-xandir u ta’ diversi partitarji Laburisti.  

Alfred Sant stqarr li l-Ministru Frendo stess biegħ u qassam CD’s foloz.  

Il-Ħadd li għadda, ir-radju tal-Partit Laburista xandar live id-diskors li għamel il-Kap ta’ l-Oppożizzjoni f’Ħal Qormi. Wara d-diskors tal-Kap ta’ l-Oppożizzjoni, il-Partit Laburista iccirkola stqarrija lill-istampa u l-mezzi tax-xandir li kien fiha wkoll allegazzjonijiet infondati u malafamanti fir-rigward tal-Ministru ta’ l-Affarijiet Barranin. 

Kif stqarr il-Ministru ta’ l-Affarijiet Barranin diversi drabi, hu ma kienx a konjizzjoni tal-fatti allegati u malli sar jaf bihom kiteb lill-Kummissarju tal-Pulizija biex iġib a konjizzjoni tiegħu l-istorja msemmija u biex jitlob li l-Kummissarju jieħu dawk il-passi li huwa jidhirlu li jkunu meħtieġa ghar-rigward ta’ dak li jista’ jirriżultalu dwar l-allegazzjonijiet magħmula. 

Il-Ministru Frendo jiċħad bl-iktar mod assolut li huwa biegħ jew qassam CD’s piratati tal-Eurovision. Ghaldaqstant dak li qal il-Kap ta’ l-Oppozizzjoni mhuwiex verita’. 

Il-Ministru Frendo stqarr li kwalunkwe’ danni likwidati mill-Qorti a favur tiegħu se jgħaddihom għall-promozzjoni tat-talent artistiku Malti. 

Il-Ministru Frendo jirrepeti li jrid kjarezza sħiħa dwar din l-istorja. Sadanittant kulhadd ghandu jirrispetta l-process ta’ l-investigazzjoni tal-Pulizija.  

Il-Ministru Frendo jikkundanna bis-sħiħ kwalunkwe’ ksur tal-Liġi dwar il-Copyright, tirriżulta fejn tirriżulta u jagħmilha min jagħmilha. Abbażi tar-riżultati ta’ l-investigazzjoni tal-Pulizija dwar dan il-każ, ghandha tittieħed l-azzjoni kollha li jkun hemm bżonn tittieħed. 

Il-Ministru Frendo jassoċja ruħu ma’ l-istqarrija ta’ l-Onorevoli Leo Brincat li qal li “huwa fl-interess pubbliku li l-konkluzjoni ta’ l-investigazzjonijiet li qegħdin isiru, isiru magħrufa fl-iqsar żmien possibbli”.  

Sadanittant, kulħadd għandu jirrispetta l-investigazzjonijiet tal-Pulizija.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow