Left arrow Mur Lura

Il-jum dinji għall-għarfien dwar l-abbuż fuq l-anzjani  - WORLD ELDERLY ABUSE AWARENESS DAY

pr0898
Date Icon 15/06/2006

Illum, 15 ta’ Ġunju 2006, id-dinja qed tiċċelebra l-‘World Elderly Abuse Awareness Day’ bil-ħsieb li titqajjem kuxjenza dwar il-pjaga ta’ l-abbuż fuq l-anzjani, fenomenu mifrux li sfortunatament ftit nisimgħu dwaru.  

Huwa meqjus li bejn erba’ u sitta fil-mija mill-anzjani kollha tad-dinja huma suġġetti għal xi forma ta’ abbuż. Il-forom ta’ abbuż fuq l-anzjani huma ħafna. Fosthom insibu l-abbuż fiżiku, dak ta’ natura psikoloġika, l-abbuż finanzjarju jew materjali, dak sesswali kif ukoll forma negattiva ta’ abbuż fejn l-anzjani jiġu traskurati minn dawk li għandhom id-dmir li jieħdu ħsiebhom.  

Wieħed mill-ikbar kaġuni ta’ l-abbuż fuq l-anzjani huwa l-fatt li l-anzjani spiss jinsabu f’qagħda ta’ dipendenza fuq ħaddieħor u li għalhekk ma jkunux jistgħu jiddefendu ruħhom mill-abbuż. L-idea ta’ anzjan dgħajjef hija spiss ukoll sterjotipu li jeżisti f’ħafna soċjetajiet, li jwassal biex l-anzjani faċilment jaqgħu fil-mira tan-nies li jwettqu l-abbuż.  

L-individwi li jabbużaw mill-anzjani huma spiss dawk li jkunu l-iżjed qrib ta’ l-anzjani. B’hekk insibu li huma ħafna l-anzjani li jisfaw vittmi ta’ abbuż finanzjarju mill-qraba tagħhom li b’qerq u b’ingann jieħdu flus u proprjetà mill-persuna anzjana. Mill-banda l-oħra, fl-istituzzjonijiet residenzjali jew ta’ kura għall-anzjani, jista’ jeżisti l-fenomenu ta’ l-abbuż fiżiku jew psikoloġiku fuq l-anzjani mill-carers li jieħdu ħsiebhom. Minkejja li wieħed jifhem li mhux faċli li tieħu ħsieb l-anzjani, dan bl-ebda mod ma wieħed jista’ jittollera xi forma ta’ abbuż fuq l-anzjani, diffiċli kemm tkun diffiċli s-sitwazzjoni.  

L-aqwa għodda biex jitnaqqas l-abbuż fuq l-anzjani hija bla dubju l-prevenzjoni. Din tista’ ssir billi l-anzjani jsiru iktar konxji mid-drittijiet tagħhom kif ukoll permezz ta’ iżjed sostenn għal dawk kollha li ta’ kuljum jieħdu ħsieb l-anzjani, speċjalment għal dawk li jieħdu ħsiebhom fi djarhom stess. Fl-aħħar mill-aħħar, biex tingħeleb din il-problema hemm bżonn li s-soċjetà tgħin lill-anzjani jsiru iktar konxji mill-ħiliet tagħhom u biex iħossuhom iktar kunfidenti fl-appoġġ li ser isibu la darba l-abbuż jiġi rrappurtat.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow