Left arrow Go Back

Rikonoxximent għall-kċina Maltija

pr0849
Date Icon 06/06/2006
L-‘EditorialOfice’ ta’ Spanja fl-1978 waqqfu f’Madrid ‘The Trade Leaders’ Club’, għaqda ta’ impriżi  b’aktar minn 7,000 membru f’120 pajjiż. Din l-għaqda tiġbor fiha l-oqsma kollha ta’ attività fil-produzzjoni u s-servizzi.
Danil-club twaqqaf bl-iskop li jkun hemm rabta bejn il-kumpanniji kollha li ntagħżlu u ngħataw rikonoxximent  minn din id-dar ta’ pubblikazzjoni u l-magazines barranin tagħha. Dan ħoloq relazzjoni kontinwa u promozzjoni ta’ bdil kummerċjali u opportunitajiet ta’ negozju. Il-club joffri wkoll konsulenza u  jorganizza kull sena fora għal bdil ta’ ideat u esperjenzi.
Il-premjumogħti minn ‘Editorial Ofice’ u t-‘trade leaders club’ ta’ Spanja mhux wieħed li min jieħdu jinnomina lilu nnifsu għalih.  Għalhekk meta Ta’ Soldi Restaurant ta’ l-Imġarr rebħu dan il-premju prestiġġjuż ma  kienux jafu. Huma ġew infurmati li kienu rebħu u ġew mitluba jattendu għaċ-ċerimonja ta’ l-għoti tal-premju f’Madrid.
MarioGatt, il-proprjetarju Ta’ Soldi Restaurant mar Madrid fejn kien ippreżentat bil-premju matul ċerimonja speċjali li għaliha kienu preżenti r-rebbieħa kollha fid-diversi kategoriji.
Il-Ministrugħat-Turiżmu u Kultura, Francis Zammit Dimech, flimkien mas-Segretarju Paralmentari Edwin Vassallo kienu Ta’ Soldi Restaurant fejn tħabbar l-għoti ta’ dan il-premju lil dan ir-ristorant.
Il-MinistruZammit Dimech qal li pajjiżna kien qed jagħmel minn kollox biex jgħolli l-livell tal-prodott turistiku għaliex f’dinja fejn il-kompetizzjoni qed tikber ta’ kuljum ridna bilfors noffru l-aħjar biex inżommu sehmna f’dan il-qasam, u anke nkabbruh. Hu qal li kienet ukoll il-politika tal-Gvern preżenti li jiddiversifika s-suq turistiku tagħna lil hinn mill-baħar, ir-ramel u x-xemx lejn niċeċ oħra. Hu qal li dawn in-niċeċ s’issa diġa qed jattiraw 44 fil-mija tat-turisti kollha li jżuruna iżda jekk irridu li nkomplu nkabbru dan is-settur jeħtieġ li nissuktaw niddivversifikaw.
“L-ikelhu komponent importanti ta’ l-infrastruttura turistiku. L-ikel Malti hu reklam għal pajjiżna. Il-mod kif nippreparawh u nservuh ikompli jgħolli l-prodott Malti u jagħżlu minn dak ta’ pajjiżi oħra. L-ikel tajjeb jħalli f’min iżurna esperjenza tajba li hi l-akbar promozzjoni għas-settur turistiku,” tenna l-Ministru Zammit Dimech.
Il-Ministru għat-Turiżmu u Kultura awgura lis-sur Mario Gatt, il-proprjetarju ta’ Ta’ Soldi Restaurant u lil dawk kollha li jaħdmu fih għal dan ir-rikonoxximent internazzjonali. Hu qal li premju  bħal dan kien ukoll rikonoxximent għall-iżvilupp fil-kwalita’ tal-prodott Malti u għall-kapaċitajiet u t-talenti tal-Maltin
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow