L-OPPOŻIZZJONI TIBQA TIRREPETI L-ALLEGAZZJONIJIET MINGĦAJR MA TISPEĊIFIKA FUQ XHIEX QIEGĦDA TIBBAŻA L-KRITIKA TAGHĦA
Il-Ministeru għall-Affarijiet Rurali u Ambjent isostni li dalgħodu l-Kap ta’ l-Oppożizzjoni reġa’ nfexx jagħmel akkużi fl-arja u bla bażi għal opportuniżmu politiku, minflok ma jispeċifika fuq xhiex qed jibbaża l-kritika tiegħu fir-rigward tal-proċess ta’ aġġustament tal-konfini ta’ l-iżvilupp. Il-Kap ta’ l-Oppożizzjoni lanqas mhu jgħid x’inhi l-alternatttiva tiegħu għal dan il-proċess.
L-oppożizzjoni trid li jsir l-aġġustament, trid li jsir b’mod limitat jew trid li jsir aġġustament aktar wiesgħa tal-konfini ta’ l-iżvilupp?
Jidher li l-Kap tal-Oppozizzjoni għadu ma jagħmilx differenza bejn konsultazzjoni pubblika u qlajjiet bla bażi u isteriżmu.
Għal darb’oħra, l-Opożizzjoni, minflok ma tagħti sehemha fi proċess sensittiv li l-Parlament għandu dmir li jikkonkludi, qiegħda tagħmel minn kollox biex tfixkel dan il-proċess trasparenti u maħsub biex jiġu indirizzati ċerti anomaliji u inġustizzji li rriżultaw mill-iskemi proviżorji ta’ l-1988.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958