Left arrow Go Back

IL-GVERN KOMMESS LI JWETTAQ IL-PROĠETT TAL-PARK AND RIDE

pr0829
Date Icon 01/06/2006

B’referenza għall-konferenza tal-aħbarijiet mogħtija mill-Kap tal-Oppożizzjoni dal-għodu fuq is-sit fejn ser jitwettaq il-proġett tal-Park and Ride għall-Belt u l-Floriana, il-Ministeru għall-Iżvilupp Urban u Toroq irid jiċċara dan li ġej: 

Il-proġett tal-Park and Ride għall-Belt Valletta u l-Floriana kien maqsum fi tliet fażijiet.  

L-ewwel fażi kienet tikkonsisti f’titjib fit-toroq li hemm fl-inħawi ta’ Crownworks u Hornworks biex it-traffiku jkollu aċċess dirett lejn il-Park and Ride. Dan ix-xogħol fuq żewġ junctions fil-Blata l-Bajda u junction oħra fil-Floriana tlesta matul l-aħħar sena b’investiment ta’ Lm120,000. 

It-tieni fażi kienet tikkonsisti fil-ħruġ ta’ tender għall-operat tal-Park and Ride. Għalkemm dan it-tender kien ġie aġġudikat, kien hemm żewġ oġġezzjonijiet minn operaturi li ma rebħux is-sejħa għall-offerti. Bħalissa iż-żewġ appelli jinstabu quddiem iċ-Ċentru tal-Arbitraġġ. 

It-tielet fażi tinvolvi xogħolijiet infrastrutturali fuq is-sit ta' Hornworks u Crownworks. It-tender għal dawn ix-xogħolijiet ġie aġġudikat mill-Kumitat tal-Kuntratti u bħalissa jinsab fil-perjodu ta’ ħmistax-il ġurnata għall-oġġezzjonijiet. Dan għandu jagħlaq fis-sitta ta’ Ġunju. 

Tajjeb jingħad li l-bieraħ stess ingħatat risposta parlamentari dwar dan l- suġġett għal mistoqsija li saret minn Membru Parlamentari tal-Oppożizzjoni. Minn dan kollu joħroġ biċ-ċar li l-Gvern għadu kommess li jwettaq dan il-proġett u min-naħa l-oħra joħroġ fil-beraħ il-tgħawwiġ tal-fatti mill-Kap tal-Oppożizzjoni meta jgħid li dan il-proġett mhux ser isir. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow