Left arrow Go Back

DELEGAZZJONI MILL-KUMITAT PERMANENTI DWAR L-AFFARIJIET BARRANIN U EWROPEJ FIL-FINLANDJA

pr0805
Date Icon 30/05/2006

Delegazzjoni mill-Kumitat tal-Ġustizzja u l-Intern tal-Parlament Finlandiż se żżur Malta f'Lulju li ġej waqt il-Presidenza Finlandiża ta' l-Unjoni Ewropea biex tara mill-viċin l-effetti tal-problema ta' l-immigrazzjoni illegali f'Malta. Dan ħareġ minn sensiela ta' laqgħat li delegazzjoni parlamentari Maltija mill-Kumitat Permanenti dwar l-Affarijiet Barranin u Ewropej qed ikollha mal-Kumitat Parlamentari għall-Affarijiet Ewropej Finlandiż u ma' uffiċjali għolja fl-Uffiċċju tal-Prim Ministru nkarigat mill-Affarijiet Ewropej. Id-delegazzjoni Maltija hija mmexxija mill-Onor Jason Azzopardi u tinkludi lill-Onor Leo Brincat, l-Onor Jose’ Herrera u l-Onor Clyde Puli.

Id-delegazzjoni parlamentari Maltija ħadet l-opportunita’ biex tisħaq fuq il-bżonn li l-kwistjoni ta' l-immigrazzjoni illegali fil-Mediterran għandha tingħata prijorita' speċjalment fil-każ ta' Malta, minħabba n-numru ta' persuni li qed jidħlu illegalment, iċ-ċokon tat-territorju u r-riżorsi li din il-problema qed tieħu. In-naħa Maltija issuġġeriet li minbarra għajnuna finanzjarja u loġistika li hemm bżonn biex jittaffa l-piż li din il-problema qed titfa' fuq Malta, hemm bżonn li jsir aktar burden sharing mill-istati membri l-oħra bħalma għamlu l-Ġermanja u l-Olanda.

In-naħa Maltija saħqet ukoll fuq il-bżonn li l-pajjiżi ġirien, bħal-Libja, minn fejn jitilqu ħafna mill-immigranti illegali għandhom jiġi nvoluti fit-tfittxija għas-soluzzjoni ta' din il-problema u hawnhekk l-Unjoni Ewropea għandha tgħin bid-diplomazija tagħha.

Kwistjonijiet li għandhom x'jaqsmu mal-Ġustizzja u l-Intern flimkien mat-tkabbir, il-kompetittivita’ u l-innovazzjoni u l-futur ta' l-Ewropa se jingħataw importanza fil-programm ta' xogħol tal-Presidenza Finlandiża.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow