Tisbiħ ta’ x-Xemxija Promenade
pr0788
26/05/2006
| Bi | sħab ma’ diversi Kunsilli Lokali, il-Ministeru għar-Riżorsi u l-Infrastruttura wettaq u qed iwettaq diversi xogħlijiet ta’ tisbiħ madwar Malta kollha bl-iskop li kull lokalita` tingħata dehra isbaħ bl-inqas spiża possibbli. Dan qalu l-Ministru għar-Riżorsi u l-Infrastruttura, l-Onor. Ninu Zammit meta żar xogħlijiet ta’ tisbiħ fuq il-promenade tax-Xemxija. |
| Il-proġett | ta’ tisbiħ tal-promenade tax-Xemxija, San Pawl il-Baħar, juri b’mod qawwi kif finanzjament konġunt u b’kollaborazzjoni sħiħa bejn il-Gvern Ċentrali u dak Lokali, tista’ tissarraf fi proġetti siewja u ta’ kull natura. Bħal ma sar fl-ewwel fażi, wara li saru d-disinji u l-pjanti mill-Kunsill Lokali u nħargu l-permessi, seta’ jinbeda x-xogħol fuq it-tieni fażi. Ix-xogħlijiet fuq it-tieni fażi jkopru minn ħdejn ir-roundabout tal-Pwales sa ħdejn il-Knisja tax-Xemxija. |
| L-esekuzzjoni | tax-xogħlijiet proposti qegħdin isiru skond ftehim ma’ l-Kunsill Lokali, fejn il-Gvern qiegħed jipprovdi l-ħaddiema neċessarji għat-twettiq tal-proġett permezz tad-Dipartiment tal-Kostruzzjoni u Manutenzjoni. Filwaqt li l-Kunsill Lokali ta’ San Pawl il-Baħar għamel il-preparattivi neċessarji, inkluz id-disinji u l-permessi tal-MEPA, u fil-fażi ta’ l-esekuzzjoni qiegħed jipprovdi l-materjal kollu. |
| Il-Ministru | Zammit spejga li x-xogħlijiet ta’ din it-tieni fażi nbdew lejn l-aħħar tas-sena 2005 u hu pprogrammat li dawn jitlestew fil-granet li ġejjin. Ix-xogħlijiet jinkludu l-qlugħ tal-bankini eżistenti, l-kostruzzjoni ta’ bankini ġodda għal tul ta’ madwar 1600 metru, bil-pavimentar ta’ precast blocks, li jkopri area ta’ madwar 4000 metru kwadru, hand railing tal-ħadid iggalvanizzat bil-bollards tal-konkos li fuqhom se jiġu nstallati arbli għad-dawl dekorattiv, storm water pipe culverts għal immaniġġjar ta’ l-ilma tax-xita, bankijiet u parkingarea għal vetturi. |
| Id-disinn | ta’ dan il-proġett sar b’tali mod li l-karreġġjati ta’ t-traffiku ser ikunu definit aħjar skond ir-regolamenti, u filwaqt li ser jinħolqu aktar spazji għall-ipparkjar tal-vetturi għal konvenjenza tal-pubbliku, it-triq tkun aktar sikura għal pedestrians li jiffrekwentaw din il-promenade. L-aspett ta’ sikurezza tal-pedestrians kif ukoll ta’ l-persuni b’disabilita` ingħataw l-importanza meħtieġa billi sejrin jiġu pprovduti numri ta’ pelican lights u rampi ta’ aċċess. |
| Din | it-tieni fażi tal-proġett hi stmata li se tiswa s-somma globali ta’ Lm76,000 li minnhom il-Kunsill Lokali ser joħroġ madwar Lm42,000 f’materjal filwaqt li d-Dipartiment tal-Kostruzzjoni u Manutenzjoni se jesegwixxi xogħol għal valur ta’ madwar Lm34,000. Fil-preżent, ix-xogħol miexi b’ritmu tajjeb u l-proġett wasal fl-aħħar fażijiet. |
| It-tisbiħ | f’żona frekwentati mill-pubbliku in ġenerali u t-turisti li jżuruna huma dejjem ta’ prijorita` għal Gvern u dan jixhdu l-ammont konsiderevoli ta’ xogħlijiet li saru fl-aħħar tlett snin, kompla l-Ministru Ninu Zammit. Il-Ministeru għar-Riżorsi u l-Infrastruttura, permezz tar-riżorsi umani fi ħdanu, wettaq diversi xogħlijiet relatati ma’ dawn iż-żoni bħal Paceville, Dawret il-Gżejjer f’Bugibba, il-Bajja ta’ San Tumas, u x-Xgħajra. Matul ix-xhur li ġejjin se jitkomplew u jinbdew diversi xogħlijiet oħra fosthom il-promenade ta’ Wied Babu, Xatt is-Sajjieda Marsaxlokk, il-promenade ta’ Ta’ Xbiex, u l-promenade ta’ Għar id-Dud f’tas-Sliema. |
| B’investiment | ta’ ‘l fuq minn Lm2 miljuni mifruxa fuq tlett snin saru numru ta’ proġetti f’żoni turistiċi u dawn twettqu kollha mill-ħaddiema u l-professjonisti fi ħdan il-Ministeru għar-Riżorsi u l-Infrastruttura, fejn bil-kontribut ta’ kulħadd pajjiżna qed jingħata dehra aħjar bl-inqas spiża possibbli, temm jgħid il-Ministru. |
Other Press Releases:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958