Left arrow Mur Lura

ORGANIZZATA L-“MALTA INTERNATIONAL TRAP GRAND PRIX”

pr0784
Date Icon 25/05/2006

Il-Malta Shooting Federation din is-sena qed torganizza l-“Malta International Trap Grand Prix” fix-shooting ranges tal-Bidnija bejn is-26 u t-28 ta’ Mejju.  L-iskop ewlieni ta’ din l-attivita’ hu li jiltaqgħu flimkien timijiet nazzjonali għal żjara kulturali ta’ Malta fl-istess waqt li tingħatalhom l-opportunità li jipparteċipaw f’din l-attività sportiva. 

F’dan il-Grand Prix se jipparteċipaw delegazzjonijiet minn numru ta’ pajjiżi Ewropej l-aktar mill-baċir tal-Mediterran u b’mod speċjali mill-Italja minfejn għadd ta’ timijiet mir-reġjun ta’ Lazio, mir-reġjun Venezjan u min-Nofsinhar ta’ l-Italja kkonfermaw l-attendenza tagħhom.  

Il-Malta International Grand Prix hu maħsub ukoll li jippromwovi lil Malta bħala lokalita’ ewlenija għat-turiżmu sportiv minħabba il-klima tajba tagħna fix-xitwa u anke għaliex għandna l-impjanti meħtieġa. 

Il-Ministru għat-Turiżmu u Kultura Francis Zammit Dimech tkellem waqt iċ-ċerimonja ta’ inawgurazzjoni ta’ din l-attività internazzjonali. Hu qal li attivitajiet bħal dawn kienu jkomplu jqiegħdu lil pajjiżna fuq il-mappa tat-turiżmu sportiv. Hu qal li t-turiżmu sportiv kien wieħed minn niċeċ l-aktar importanti tas-settur turistiku li jattira ’l fuq minn 80,000 viżitatur kull sena. Hu fakkar li llum, li s-settur turistiku hu mibni fuq ‘segments’, it-turiżmu sportiv kellu s-‘segment leader’ tiegħu li kien responsabbli li jiżgura li dan is-settur jmur ’l  quddiem u jikseb il-miri stabbiliti. 

“Minn attivitajiet bħal dawn sportivi barranin jibbenefikaw mill-impjanti sportivi li għandna f’pajjiżna u jmorru lura jagħmlu reklam għal Malta. Min-naħa l-oħra din l-attivita’ tagħti l-opportunita’ lill-komunita’ Maltija biex issegwi l-aqwa tiraturi li se jkunu qed jagħmlu isem fil-futur f’kompetizzjonijiet internazzjonali. Fost dawn hemm tiraturi Maltin li se jipparteċipaw f’din il-kompetizzjoni, “ qal il-Ministru Zammit Dimech. 

Il-Ministru għat-Turiżmu u Kultura qal li l-“Malta International Trap Grand Prix” jipprovdi opportunità eċċellenti għal kompetizzjoni sana li tista’ tgħixha biss permezz ta’ l-isport. 

Il-Ministru Zammit Dimech qal li tul l-aħħar snin f’pajjiżna nbnew diversi impjanti sportivi filwaqt li ġew modernizzati oħrajn eżistenti. Hu qal li dawn l-impjanti jikkontribwixxu biex f’pajjiżna jiġu organizzati attivitajiet sportivi fuq bażi internazzjonali u reġjonali u biex jsiru kampijiet tax-xitwa għal sportivi mill-Ewropa ta’ Fuq fejn il-klima ma tkunx tajba. 

Il-Ministru għat-Turiżmu u Kultura qal li dan is-settur turistiku kien qed jikber u llum b’sodosfazzjon inqisuh bħala wieħed mis-seba’ niċeċ ewlenin fil-qasam turistiku Malti. Il-Ministru Zammit Dimech irringrazzja lill-‘Malta Shooting Federation’ għall-inizjattiva tagħhom filwaqt li awgura lit-tiraturi u lill-familji tagħhom li se jakkompanjawhom żjara mill-aqwa li matulha jkollhom iċ-ċans jaraw dak li joffri pajjiżna lill-viżitatur barrani.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow